甲殼動物,即甲殼亞門學名Crustacea),係節肢動物門嘅其中一個分支,包括好多常見水生動物,譬如海螯蝦龍蝦淡水龍蝦龍蝦仔藤壺磷蝦

甲殼動物Infobox info icon.svg
化石時期:511–0 Ma
寒武紀-現代
Stenopus hispidus.jpg
拳師蝦Stenopus hispidus
科學分類 e
右示分類唔存在 (): Crustacea

見內文

甲殼動物

呢啲物種適應非常多種唔同嘅環境,用唔同嘅方式生存,發展得極其相異。有人將佢哋稱為『水中嘅昆蟲』。

其中有67,000個已經被描述物種,大小尺寸範圍從0.1 mm(0.004 in)嘅Stygotantulus stocki英文Stygotantulus,到腳長跨度達到3.8 m(12.5 ft)同重量達到20 kg(44 lb)嘅甘氏巨螯蟹

特徵

正因為甲殻亞門嘅動物係咁多態,因此要搵到一個共同嘅特徵唔簡單。甲殻亞門與氣管類動物英文Atelocerata(包括六足亞門昆蟲等陸地生活嘅節肢動物)相對比較特殊嘅有佢哋有兩對觸角同適應喺水中生活嘅。不過呢啲特徵實際上係節肢動物一開始公有嘅特徵,六足亞門嘅動物呢啲器官後來變化嘞。另一個古老嘅特徵係甲殻亞門動物分叉嘅腳,咁樣嘅腳喺化石中嘅三葉蟲就已經有。氣管類嘅動物後來冇咁樣嘅腳嘞。幾乎所有嘅甲殻亞門嘅動物都有一種特別嘅幼蟲狀態(無節幼體)。呢啲幼體典型地分三個帶腳或觸鬚嘅節,佢哋嘅無節幼體眼係單數嘅。喺觸角同腳嘅基部甲殻亞門有特別嘅,袋狀嘅排泄器官。此外所有嘅甲殻亞門嘅幹細胞99分裂時嘅特徵相同。

同其他所有節肢動物一樣,甲殻亞門嘅軀幹由幾個節組成。第一個節係頭部嘅口前葉[1]最後一節係尾部嘅尾板。通過唔同嘅適應方式呢個基本嘅構造方式可以形成非常唔同嘅特別結構。尤其外肢嘅變化可以非常大(比如演化為口器吸盤同生殖器等非常唔同嘅器官)。一啲節可以融合到一齊形成比較大嘅軀幹部分(體段)。[2]總體嚟講甲殻亞門動物嘅軀幹可以分三個大部分:頭部由口前葉同可能六個節融合而成。胸部同腹部各由唔同數量嘅節組成。胸部同腹部嘅區分主要由外肢嘅組合體現出來。腹部一般冇外肢或只有演變咗嘅外肢。有時頭部同胸部可能都會融合到一齊而組成一個頭胸部[3]

繁殖同發育

甲殻亞門嘅繁殖方式都好多樣,最簡單嘅有將精子同卵子放到水中進行外部受精。但都有通過演變嘅外肢進行體內受精嘅,甚至有一啲寄生嘅甲殻亞門動物嘅雄性退化而棲居喺雌性嘅生殖器內嘅。

甲殻亞門嘅發展過程類似。一般佢哋經歷多個幼蟲期,每次幼蟲期開始時幼蟲通過萌芽產生新嘅節同外肢。除五口綱動物外所有甲殻亞門動物一開始嘅幼體都係典型嘅無節幼體。有啲動物喺卵內度過呢個幼體期。此後唔同綱嘅動物發展出唔同嘅幼體。有啲甲殻亞門經過變態,有啲不變態為成蟲。

生活方式

幾乎所有甲殻亞門動物都生活喺水入面,喺海洋淡水水系中所有嘅生態系統中都有甲殻亞門動物存在。少數物種生活喺陸地上,比如屬於寄居蟹椰子蟹,但呢啲動物至少喺發展期間要依靠水。唯一幾乎完全喺陸地上生活嘅甲殻亞門動物係等足目嘅動物(潮蟲)。

喺水中甲殻亞門生活喺所有嘅生態環境中。好多物種構成遠洋區浮游生物,其他生活喺水底、岩隙、珊瑚礁上或潮汐帶。喺北冰洋同南極洲嘅冰層下面都有好多甲殻亞門動物生存,佢哋構成當地食物鏈嘅最低級。喺大洋底嘅沸泉附近都有甲殻亞門動物生活。有啲甲殻亞門動物寄生於、其他甲殻亞門動物甚或脊椎動物嘅體內。

演化

同其他節肢動物一樣,甲殻亞門嘅演化過程仲唔係好清楚。唔清楚嘅主要原因在於佢哋嘅甲殻比較難保存為化石

最早嘅甲殻亞門動物有可能類似於今日生活喺鹽水洞穴中嘅槳足綱,但佢哋冇留低化石。

最早嘅甲殻亞門化石出現於寒武紀。至今已發現嘅有鰓足綱顎足綱[4]介形亞綱軟甲亞綱動物嘅化石。

介形亞綱動物從出現以來就係浮游動物嘅重要組成部分。佢哋嘅殻好多時喺沉積岩中出現,因此係重要嘅指標化石。喺化石中經常出現嘅仲有藤壺

分類

一般甲殻亞門動物與氣管類動物(昆蟲蜈蚣)被睇作係姊妹群。一啲學者認為昆蟲同蜈蚣係甲殻亞門內嘅動物。呢個意見嘅由來在於對呢啲動物嘅胚胎發展嘅討論。通過分子遺傳學嘅研究同對精子結構嘅研究今日普遍認同過去屬於獨立嘅五口綱動物都屬於甲殻亞門。

甲殻亞門內部嘅分類同親屬關係還不好清楚而且爭論好大。最近數年中新嘅發現同研究使呢個領域動蕩非常大。比如過去嘅枝角目而家被分為多個,等等。

目前大多數專家將甲殻亞門分為五個,但對鰓足綱軟甲綱嘅爭議還好大。好多學者認為甲殻綱實際上係收集咗所有無法分到其他四個綱中嘅動物,實際上唔係一個真正嘅綱。

傳統上,甲殻亞門包括下列各個綱:

然而,現時顎足綱已被確認並非單係群,呢個綱被分拆,其成員與介形綱及軟甲綱重新組合成為寡甲總綱(Oligostraca)同多甲總綱(Multicrustacea)兩個總綱[5]。 截至2019年2月9號 (2019-2月-09)WoRMS紀錄甲殻亞門包括下列各分類單元[5]

生態同經濟意義

喺海洋同淡水生態系統中甲殼亞門動物,尤其係細嘅浮游動物,起咗一個非常關鍵嘅作用。佢哋食用水中嘅浮游植物,由此控制呢啲植物嘅生長。喺浮游動物中佢哋所佔嘅數量比例最大。同時佢哋都係其他大嘅水中動物嘅直接或間接嘅食物。

人都直接食用一啲甲殼亞門動物(比如螃蟹龍蝦等)。甲殼亞門都被用嚟凈化用水,佢哋有過濾塵埃、細菌同單細胞生物,結合毒質等作用。

此外,吸附喺船體上嘅藤壺會加大船喺水中嘅阻力,帶嚟經濟損失。

參考

  1. "Cephalon". Crustacean Glossary. Natural History Museum of Los Angeles County. 原著喺2011-07-27歸檔. 喺2010-02-26搵到.
  2. "Abdomen". Crustacean Glossary. Natural History Museum of Los Angeles County. 原著喺2011-07-27歸檔. 喺2010-02-26搵到.
  3. "Cephalothorax". Crustacean Glossary. Natural History Museum of Los Angeles County. 原著喺2011-07-27歸檔. 喺2010-02-26搵到.
  4. D. E. G. Briggs (1983). "Affinities and early evolution of the Crustacea: the evidence of the Cambrian fossils". 出自 F. R. Schram (編). Crustacean Phylogeny. Rotterdam: Balkema. pp. 1–22. ISBN 9061912318.
  5. 5.0 5.1 Boxshall, Geoff (2015-05-05). "Crustacea". WoRMS. World Register of Marine Species. 喺2019-02-09搵到.
  6. Boxshall, Geoff (2015-05-05). "Multicrustacea". WoRMS. World Register of Marine Species. 喺2019-02-09搵到.
  7. Regier, J. C.; Shultz, J. W.; Zwick, A.; Hussey, A.; Ball, B.; Wetzer, R.; Martin, J. W.; Cunningham, C. W. (2010). "Arthropod relationships revealed by phylogenomic analysis of nuclear protein-coding sequences". Nature (英文). 463 (7284): 1079–1083. doi:10.1038/nature08742.
  8. Boxshall, Geoff (2016-11-30). "Hexanauplia". WoRMS. World Register of Marine Species. 喺2019-02-09搵到.
  9. Boxshall, Geoff (2017-09-04). "Oligostraca". WoRMS. World Register of Marine Species. 喺2019-02-09搵到.
  10. Zrzavý, J.; Hypša, V.; Vlášková, M. (1997). Fortey, R.A.; Thomas, R.H. (編). "Arthropod phylogeny: taxonomic congruence, total evidence and conditional combination approaches to morphological and molecular data sets". Systematics Association. London: Chapman & Hall. Special Volume series 55: 97–107.
  11. Boxshall, Geoff (2017-09-04). "Ichthyostraca". WoRMS. World Register of Marine Species. 喺2019-02-09搵到.

出面網頁