痾蛋

痾蛋，通常係話母雞生蛋嘅動作，例如「隻雞擒晚痾蛋。」

用喺講波嗰陣，就係話球員想接波，多數係地波，但俾個波穿過褲浪底（即係兩隻腳之間），咁就好似響球員屎忽有隻蛋跌咗出嚟咁，所以講波佬稱之為「痾蛋」。痾蛋較多嘅球員係龍門。好多時龍門想烏低身雙手接迎面而嚟嘅地波，但係因為場地濕滑、個波太快、走勢太畸怪或者彈咗一下地、場地質素問題、對面球員擾亂等因素而判斷錯誤，接唔住個波，發生意外。多數都係個波漏入龍門，因而失波。

痾蛋嘅龍門通常會俾球迷笑死。譬如打拜仁慕尼黑嘅德國鋼門簡尼響03-04歐聯十六強首回合主場鬥皇家馬德里，接唔實羅拔圖卡路士個罰球，痾蛋而入。

痾蛋係同射穿大細龍門有分別。痾蛋係一種失誤，而射穿大細龍門就係技術嘅表現。