白粥係冇加入任何其他食材嘅廣東,(有啲食肆會叫齋粥米皇靚女)。優質嘅白粥,用絲苗白明火煮幾個鐘頭而成,講求軟、綿、滑。通常白粥都係冇味,食嗰陣可以加啲食鹽調味。部分食肆會用上湯煲粥(上湯通常用大地魚之類熬成),因此嗰啲食肆嘅「白粥」食起嚟嘅味道亦會比較濃。

煮白粥嘅時候,有啲人亦會加入腐竹白果等嚟調味。

白粥配油炸鬼係傳統嘅廣東早餐。白粥有下火清熱氣作用,啱捱夜人士食。白粥容易入口,所以有病嗰陣,無胃口,可以食白粥代替正餐。不過糖尿病患者食粥就要小心,因為食完血糖會升得好快。