直音

直音係注音嘅一個方法，而家大部份有粵音注音嘅現代漢語字典都有用呢個方法。以一個同音、同聲調嘅字去注另一個字嘅音。呢個方法相當直接、簡單、亦唔駛學。因為佢夠簡單，響南北朝反切流行之前，字書都會呢方法標音。

例

1. 【癱】音〔坦〕
2. 【蔑】音〔滅〕
3. 【款】音〔寬高上〕
4. 【碾】音〔年低下〕

例１同２相當直接。一個同音、同聲調嘅【坦】字去注【癱】字嘅音。例２都係咁。

當一個有同音，冇同聲調嘅字時（或者嗰個同音字都好偏嗰陣），就會用同音唔同聲調嘅字去注，響同音字用嘅後面寫低注嘅聲調： 例３嘅【款】聲調係高上（2）；而【寬】聲調係高平（1），所以寫低「高上」去注【款】嘅聲調。 例４嘅都係咁。

假設同短處

同音字一般係較為成日見嘅字，好似例２嘅【滅】同 例４嘅【年】，如果查字典嗰個人識字少，用嚟注音嘅同音字都唔識點讀，去查個同音字又係唔識，最後可能指返轉頭，幾個字會互相指，呢個方法假設咗查字典嗰個人識一啲讀音在先，即係話直音呢個方法對初學粵語嘅人未必有用喇。

如果研究語音史，直音可以推得返邊一堆字係同音。邊一堆字音好似。