磨碟沙公園（粵拼：mo4 dip6 saa1 gung1 jyun2） 係中國廣東廣州嘅公園，2007年5月動工重喺5個月後開園，位置喺海珠區磨碟沙，西靠黃埔涌；南靠雙塔路；東靠獵德大道；北靠閱江西路。佢係海珠區屬下嘅綜合性公園。
公園佔地面積5.3公頃，入面分咗休閒活動區、文化娛樂區、兒童活動區、濱水散步區，遛狗區同公園管理區等6大功能區域。綠地主要種咗榕屬、雞蛋花屬、羊蹄甲屬、棕櫚屬、開花灌木同埋開闊嘅草坪植物為主。啲建築主要以嶺南建築為主，形成嶺南水鄉嘅特色風光。
