祈使語氣
(由祈使句跳轉過嚟)
祈使語氣（粵拼：kei4 si2 jyu5 hei3；英文：Imperative mood）係一種語氣。一句祈使句會要求對方做某啲嘢，呢種語句可以係硬性嘅命令，又可以係哀求式嘅——想像啲人向上帝祈禱。
祈使句通常會省略主語，直接向住聽嘅人講，有異於就噉描述事物嘅陳述句。呢點適用於好多隻話，例如粵語、標準官話同埋主流歐洲語言（包括英文）都係噉。
粵語
編輯睇埋：句尾助詞
喺粵語當中，祈使句可以係動詞加個賓語（VO）噉嘅款，不過有時亦可以係動詞-賓語-主語（VOS）噉嘅款。呢啲語句省略咗主語，而個主語通常假定咗係聽嘢嗰一方。例句：
洗 衫 ！ 動 賓
洗 衫 啦 你 ！ 動 賓 主
粵語有唔少句尾助詞可以配祈使句，例如啦就被指可以令句嘢「軟化」，聽落冇咁似強硬嘅命令：
洗 衫 啦 。 動 賓
睇埋
編輯 |