程張迎（英文：Ching Cheung Ying，1958年5月31號—），祖籍安徽黃山市歙縣，係香港泛民主派元老、資深教育工作者，佢做咗36年區議員，係香港做得最耐區議員嘅四個人之一。
佢曾經响拔萃男書院任教中國語文科同埋中國歷史科，曾經响2002年反對男拔轉做直資學校，喺2018年退休。
佢係香港民主黨員，由1985年開始做沙田區議會議員，一路連任到2021年，卸任嘅時候代表新田圍邨選區。
由1995年到1999年，佢做過4年區域市政局議員。
2021年，因為《香港國安法》導致嘅泛民主派區議員辭職潮而辭職，而佢擔任嘅沙田區議會主席一職，就先後由李志宏、麥潤培繼承。
