第34屆委內瑞拉總統選舉
第34屆委內瑞拉總統選舉響2012年10月7號舉行[1]。
第34屆委內瑞拉總統選舉
| |||||||||||
|---|---|---|---|---|---|---|---|---|---|---|---|
‹ 2006 •  • 2013 ›
| |||||||||||
| 2012年10月7號 | |||||||||||
| 選舉類型 | 總統 | ||||||||||
| 選舉統計 | |||||||||||
總投票百分比
| |||||||||||
| 80.52% | |||||||||||
|
|
查韋斯－ 委內瑞拉社會主義統一黨
| ||||||||||
| 政黨聯盟 | 大愛國陣線 | ||||||||||
| 投票數 | 8,191,132 | ||||||||||
| 55.1% | |||||||||||
|
|
卡普里萊斯－ 正義第一黨
| ||||||||||
| 政黨聯盟 | 民主聯合圓桌聯盟 | ||||||||||
| 投票數 | 6,591,304 | ||||||||||
| 44.3% | |||||||||||
| 選票分佈圖 | |||||||||||
| |||||||||||
21 + 首都 委內瑞拉社會主義統一黨
2 正義第一黨
| |||||||||||
 委內瑞拉總統 | |||||||||||
委內瑞拉總統查韋斯，成功擊敗十四年來，對佢構成最大威脅嘅對手卡普里萊斯，第三度連任。外界關佢嘅健康情況，同埋佢會唔會擴大國有化範圍。
候選人 編輯
委內瑞拉社會主義統一黨 編輯
委內瑞拉社會主義統一黨候選人查韋斯，五十八歲做咗總統十四年，今次贏出之後任期係六年。作為全球石油蘊藏量最多嘅國家話事人，查韋斯一直推行社會主義政策，透過石油出口建立龐大社會福利計劃，從教育、住屋到食物，照顧窮人，深受基層民眾歡迎，但係亦導致通脹飆升[1]。
外交政策上，查韋斯係旗幟鮮明嘅反美領軍人物，藉著同盟友提供石油資助，響拉美地區建立反美聯盟[1]。
佢又響2007年開始將產業國有化，由石油、金礦、電訊、交通，以至金融業亦都有搞過，趕走外資，預料查韋斯連任，會再擴大國有化嘅力度同範圍[1]。
查韋斯連任另一焦點係佢嘅健康。佢2011年確認患癌，三次到過古巴醫病，切除兩個惡性腫瘤，雖然2012年7月選戰最後階段，宣布痊癒，但癌症仍有復發可能[1]。
正義第一黨 編輯
正義第一黨候選人、四十歲嘅卡普里萊斯係一個中間派州長，過去響地方選戰入面，一直係長勝將軍，響反對派團結之下，成為十四年以來第一位威脅到查韋斯連任嘅對手[1]。
反對派批評查韋斯高壓統治，獨攬行政、司法之類大權，曾經閂咗反對派電視台，用人唯親，政府內部亦貪污成風[1]。
結果 編輯
選舉委員會公布，查韋斯係以百分之五十四嘅得票率，擊敗對手、得票率百分之四十五嘅卡普里萊斯。查韋斯感謝民眾對佢嘅支持，呢次選舉競爭激烈，觸發近八成一選民投票[1]。
後續 編輯
大批查韋斯嘅支持者響總統府前載歌載舞，放煙花慶祝[1]。
卡普里萊斯響競選總部承認落敗，恭喜查韋斯贏出，又感激投票畀佢嘅選民，認為自己已經響全國種下成功嘅種子[1]。
2013年1月10號查韋斯開始新嘅總統任期，但佢因病履行唔到職務。佢喺3月5號死，由副總統馬杜羅暫代總統職務。