第6屆澳門行政長官選舉
2024年澳門特別行政區行政長官選舉喺2024年10月13號舉行，選出第六屆澳門特別行政區行政長官。第五任行政長官賀一誠喺2024年8月21號發表聲明，因健康原因放棄競逐連任。前終審法院院長岑浩輝係唯一參選人，以394票當選。
 | |||||||||||||||||||||||||||||||||||||||
| |||||||||||||||||||||||||||||||||||||||
| |||||||||||||||||||||||||||||||||||||||
| |||||||||||||||||||||||||||||||||||||||
背景
編輯2023年6月15號，澳門特別行政區政府宣布要修改《行政長官選舉法》同埋《澳門特別行政區立法會選舉法》，進行公開諮詢，諮詢期係45日。今次法律修訂包括完善資格審查機制、加強遏止違規行為同埋優化選舉管理流程三個方向。未來參選人嘅資格審查會由澳門特別行政區維護國家安全委員會負責，佢哋作出嘅決定唔可以聲明異議或者上訴；另外，如果有人公然煽動唔投票或者投白票、廢票，都會變成刑事不法行為。
2023年7月30號，為期45日嘅行政長官選舉法律修訂公開諮詢結束，特區政府公佈諮詢期間一共舉辦咗八場諮詢會，有超過1,367人次參加，其中118人發言。透過唔同途徑一共提交咗571份意見，包括6,112條具體意見同建議，當中涉及《行政長官選舉法》有2,439條，涉及《立法會選舉法》有3,673條。
媒體報道話，社會各界絕大部分人都贊同同支持特區政府修改《行政長官選舉法》嘅方向同內容，認為修法係必要同適時，對全面落實中共中央總書記習近平強調嘅「愛國者治澳」原則、貫徹總體國家安全觀、維護選舉管理秩序同保障居民行使選舉基本權利有幫助，確保澳門特別行政區繁榮穩定、長治久安。對於完善行政長官選舉嘅被提名人同行政長官選舉委員會委員參選人嘅資格審查機制，由國安委負責對「擁護《基本法》同效忠中華人民共和國或者其澳門特別行政區」進行資格審查，而管委會根據國安委嘅審查意見書作出唔具參選資格嘅決定亦唔可以聲明異議或者司法上訴，絕大部分意見都表示贊同，認為呢個係加強維護國家安全、全面落實「愛國者治澳」原則嘅必然要求，有利於維護《中華人民共和國憲法》同埋《澳門特別行政區基本法》所確立嘅澳門特別行政區憲制秩序。
2023年8月中旬，澳門特別行政區行政會完成咗討論《修改〈行政長官選舉法〉》法律草案，有關法案會送交立法會審議。法律嘅實施制度同埋執行機制會落實「愛國者治澳」原則，完善同優化行政長官選舉管理流程，法案同時包括拒絕簽署擁護聲明書就唔可以參選、由特區國安委審查並出具意見書同公然煽動唔投票或者投白票屬於刑事犯罪。
2023年10月16號，第七屆澳門立法會開始，《修改行政長官選舉法》法案喺立法會全體會議議一般性表決中全票通過。