食素粵拼sik6 sou3英文vegetarianism),又叫素食,係一種有關飲食嘅文化,實踐呢種飲食文化嘅人叫做素食主義者英文vegetarian)。呢啲人唔食飛禽、走獸、動物嘅身體,淨係以蔬菜生果植物來維持生命。世界各國或者唔同文化嘅食素主義都有唔同,有啲食素嘅人會食蜜糖奶類蛋類等動物產品,而另一啲純食素主義者食會避免食包括蛋類、奶製品在內嘅任何同動物有關嘅嘢食。

齋一碟
奶蛋素飛機餐,縮寫代號為VLML(Vegetarian, Lacto-ovo MeaL)
素咖喱
漢堡包

食素嘅多種樣色 編輯

  • 純食素主義英文Veganism):會避免食用所有含有動物成份嘅嘢食,例如類、芝士蜜糖。除咗嘢食之外,有啲嚴格食素主義者亦唔會用動物製成嘅商品,例如皮革皮草同含有動物性成份嘅化妝品
  • 食齋英文Buddhist vegetarianism):會避免食用所有由動物製成嘅嘢食同埋五辛,包括:大蒜韭菜興渠
  • 乳蛋食素主義英文Lacto-ovo vegetarianism):唔食肉食素主義者會食用部分動物成份嘅嘢食來取得身體所需嘅蛋白質,好似係蛋同奶類。
  • 奶素主義英文Lacto vegetarianism):呢類食素主義者唔食蛋同蛋製品,但係會飲奶類同相關產品,好似芝士、奶油乳酪
  • 蛋素主義英文Ovo vegetarianism):呢類食素主義者唔食奶同奶製品,可以食蛋類同相關產品。
  • 生食素主義英文Raw foodism):呢種食用方法係將所有嘢食保持喺天然狀態,即使加熱亦唔超過攝氏47℃。生食主義者認為會令嘢食中嘅酵素營養被破壞。有啲生食主義者叫做活化生食主義者,喺食用種子類嘢食前,會將食物浸喺度,令酵素活化。有啲生食主義者嘅飲食理念同食果實主義者相似,有啲生食主義者淨係食有機食物
  • 果食主義英文Fruitarianism):淨係食生果同果汁或其他植物果實,唔包括肉、蔬菜穀類
  • 苦行食素主義:呢類人為堅定心中嘅信念,以苦行嘅方式進行食素,唔止戒蛋,牛奶,甚至戒大豆食鹽甘地屬於代表人物。
  • 耆那教食素主義英文Jain vegetarianism):可以食用奶制品,不過唔食蛋制品、蜜糖同任何形式嘅根莖食品。

半食素嘅樣色 編輯

有啲人,可能基於健康道德信仰而唔食某啲肉類,例如係唔食哺乳動物紅肉係最普遍嘅類型,呢啲人會食部分禽類海鮮。呢類唔係傳統嘅食素主義,而係介乎兩者之間。半食素主義包括:

  • 彈性食素主義英文Flexitarianism):呢類人主要係以食素為主,間中會食肉類。
  • 魚素主義英文Pescetarianism):呢類人主要係以食素為主,間中會食用魚同其他水產品,不過唔食其他陸地動物。
  • 禽素主義英文Pollotarianism):呢類人主要係以食素為主,間中會食用雞肉,不過唔食用哺乳動物嘅肉,即所謂嘅紅肉。
  • 白肉食素主義英文Pollo-pescetarianism):呢類人主要係以食素為主,間中會食用魚同雞肉,不過唔食哺乳動物嘅肉,即所謂嘅紅肉。
  • 長壽健康飲食法英文Macrobiotic diets):食物只包括穀類豆類,但間中會食魚同其他水產品。
  • 免費食素主義英文Freeganism):呢類人以食素為主,除非肉類嘅來源係免費嘅。
  • 道德雜食主義英文Ethical Omnivore):呢類人嘅食物來源一定要係天然嘅、有機嘅同道德嘅,唔可以含抗生素荷爾蒙等人工飼料添加劑。

睇埋 編輯

出面網頁 編輯