美國國防部軍營超市管理處

國防部軍營超市管理處英文Defense Commissary Agency),係一個美國國防部轄下嘅機構,響1990年成立,總部設於美國維珍尼亞州李堡基地,負責經營全球各地多過250間嘅軍人超市(Commissary);呢尐超市提供食品、雜貨同日用品俾美國各軍種嘅現役、預備役、退伍軍人同符合條件嘅軍人眷屬,價格平均比民間超市平30%左右[1][2]

一間美軍超市

國防部軍營超市處管理嘅超市分店「Commissary」,響美軍監獄入面係指販賣食品嘅商店,而呢個單字更原始嘅意思係指負責軍需同士兵輸送嘅軍官。所以軍營超市管理處喺中文會譯做「國防物資局」、「國防部零售局」、「國防部給養局」[3][2]等等。

軍需部門販售商品畀軍人嘅歷史,可以追溯去1825年,當時派駐響特定基地嘅美國陸軍軍官已經可以以成本價買日用品;1841年,佢哋都可以買日用品畀自己屋企人用[4]

1867年,軍需用品賣店實質上進入咗現代化階段,服務對象擴大去到入伍士兵,而且唔受地理限制影響:無論部隊位於戰區定係大都市附近,基地官兵都可以買到軍方販售嘅用品。從一開始,軍賣店就包攬咗營區內嘅零售服務,將民間廠商同小販排除在外;而軍賣店提供嘅食品亦都比一般軍糧更加合乎衞生同健康;透過賣嘢帶嘅收入,補充咗軍方嘅資金來源。呢種軍隊內成立商店、販賣價廉物美嘅食品畀官兵,改善軍人福利嘅現代化概念,已經存在咗百幾年[4]

軍中商店嘅發展同成長,大致上同零售雜貨工業嘅發展階段互相吻合。發展到依家,一般美軍超市嘅清單入面都有大約11,000樣貨品,最大型嘅超市更加係再多幾千樣[4]

同時,美軍商店嘅服務對象自發跡時期開始已經不斷增加。初期只有服緊役嘅陸軍官兵可以消費;1879年起,退役軍人、後備役軍人同軍人配偶、仔女亦都開始享有呢類優惠。而今日,美國海岸防衞隊美國國民警衞隊嘅人員可以響全球任何一間美軍超市分店買嘢[4]

隨住美軍扮演嘅角色更重要、規模更龐大,美軍軍人市場都開始朝海外擴張。1898年下旬,第一間海外軍營市場響菲律賓馬尼拉近郊開業;憑住低廉嘅價格,喺頭一年就賣出價值總計4萬美元嘅商品[5]。1900年平定義和團運動之後,又響北京開咗美軍市場,嗰年底重喺天津設立中國第二間分店。同類型嘅市場亦響古巴波多黎各關島夏威夷出現,喺1903年美國開始鋪運河嘅巴拿馬亦有幾間美軍商店[5]

其他軍種都開始仿效陸軍,依照自身需要設立商店。美國海軍同轄下嘅美國海軍陸戰隊分別響1909年同1910年開第一間軍人市場。美國空軍軍人超市就喺1947年,由原先嘅美國陸軍航空軍軍營超市延續而成。1970年代中期,每個軍種嘅軍人超市都有自己嘅管理部門,分別係陸軍部隊支援處、海軍零售系統支援署、海軍陸戰隊勤務司令部軍營超市處同空軍軍營超市處[4]

1989年,美國國會指示美國國防部對各軍種嘅軍營超市管理部門進行延究。由陸軍中將瓊斯主持嘅委員會之後提出咗一份報告,建議整併各軍種嘅超市管理系統,成立一個新單位統一管轄,以改善服務同埋慳經費。1990年5月15號,國防部成立咗軍營超市管理處。根據美國國防部副部長嘅備忘錄,呢個係冷戰後美軍裁軍期間,第一宗進行嘅國防部部門合併案[4]。陸軍少將德雷斯卡響同年7月出任第一屆處長,同時由一個專業團隊管理過渡期各個軍種超市部門嘅整合。1991年10月1號,國防部軍營超市管理處開始掌管所有嘅美軍超市[4]

現況

從19世紀誕生至今,美軍超市一直賣近乎成本價嘅商品,但係顧客響消費嗰陣,依據1952年美國國會嘅一項指令,要畀一筆附加費。1983年4月之後,類似嘅附加費被定為消費額嘅5%。同一般嘅稅唔同,購物附加費係直接畀美軍超市,用嚟增闢分店同維持現有分店嘅營運備[6]

因為價格低廉,全球各地響美軍超市消費嘅官兵慳咗大約30%嘅購物費[7]。美軍各超市分店每年嘅總銷售額大約有50億美元[8]。喺幾項調查當中,軍營超市一直被認為係美軍最好嘅福利之一。

參考

  1. "About Us". Defense Commissary Agency. 原著喺2020-10-05歸檔. 喺2012-05-03搵到.
  2. 2.0 2.1 "物美價廉的美軍超市 - 新華軍事 - 新華網". 原著喺2016年3月4號歸檔. 喺2014年2月1號搵到.
  3. 关于DeCA - 体制编制 - 知远防务论坛 ----学术性|资料性|研讨性! - Powered by Discuz!
  4. 4.0 4.1 4.2 4.3 4.4 4.5 4.6 "History of U. S. Military Commissaries". Defense Commissary Agency. 原著喺2012-09-13歸檔. 喺2012-05-03搵到.
  5. 5.0 5.1 The Illustrated History of American Military Commissaries: The Defense Commissary Agency and its Predecessors 1775-1988
  6. "What is the surcharge that commissary customers are paying, what is it used for and how is it factored?". Defense Commissary Agency. July 27, 2010. 喺2012-05-03搵到.
  7. Slamin, Millie (October 6, 2009). "Commissaries save customers billions of dollars" (PDF). Defense Commissary Agency. 原著 (PDF)喺2016-03-03歸檔. 喺2012-05-03搵到.
  8. "Annual Report 2010" (PDF). Defense Commissary Agency. June 29, 2011. p. 2. 原著 (PDF)喺2012-10-18歸檔. 喺2012-05-03搵到.