聖方濟愛德小學（英文：St. Francis of Assisi's Caritas School）係香港一間天主教資助男女小學，響九龍深水埗石硤尾偉智街7號，辦學團體係天主教香港教區。同長沙灣天主教英文中學有聯繫。
聖方濟愛德小學喺1962年創校，嗰時校名係聖方濟各英文小學下午中文部，同聖方濟各英文小學共用石硤尾街58號嘅校舍。後來改名為聖方濟愛德小學，由一間以中文為主要教學語言嘅小學改以中英文作主要教學語言嘅小學。1999年9月聖方濟愛德小學搬去石硤尾南昌街221號，同時由半日制改為全日制。2010年11月再搬到偉智街7號現址。
