聖言會
聖言會（拉丁文：Societas Verbi Divini，簡稱SVD；英文：Society of the Divine Word，亦叫Divine Word Missionaries）係一個國際性天主教傳教修會。1875年由楊生神父（Arnold Janssen）創立。該會原自德文地方，世界各地都有傳敎。舊時傳敎，以家下嘅中國山東、阿根庭、巴布亞新畿內亞、多哥等地爲主。因爲喺中國山東傳敎進取，亦係義和團之亂嘅起因之一。
1879年4月20日，佢嘅第一批傳教士安治泰（Johann Baptist Anzer，1851年-1903年，德國籍）同福若瑟（Josef Freinademetz，1852年-1908年，奧國籍）抵達香港。學習咗一段時間中文以後，於1882年前往山東西南部陽穀縣坡裡莊，1885年起負責新成立嘅山東南境代牧區，這個教區嘅轄境包括半個山東省：曹州府、兗州府、沂州府同濟寧直隸州。長期以來，方濟各會嘅神父們無法在這一地區傳教。坡裡莊嘅100多名教友幾乎就係新教區嘅全部成員。然而富於進取心嘅聖言會克服了種種阻力，終於在這一個地區打開了局面。在曹州教案以後，得以將主教座堂建造在兗州府城，並擴展到青島附近嘅4個縣。1900年，福若瑟神父被選任為省會長；他在濟甯附近嘅戴家莊建立了聖言會嘅省會院。1949年，聖言會在山東創建嘅5個教區——兗州教區、青島教區（1925）、陽穀教區（1933，中國籍主教）、曹州教區（1934）同沂州教區（1937年從青島教區分出）已經擁有20萬教友。此外，聖言會喺中國其他省份還陸續建立咗信陽代牧區(1923)、新鄉監牧區（1936）、西寧監牧區（1937），並從聖母聖心會手中接管咗蘭州代牧區(1923)同新疆監牧區（1930）。
1933年，聖言會從本篤會手中接管咗北平輔仁大學，輔仁大學喺1963年在台復校，聖言會也助力甚多。在此之前，北平輔仁大學附設中學已先喺1961年由聖言會在嘉義市獨立復校。
國共內戰後，聖言會喺中國大陸嘅會士大多已移往台灣，並以臺北、嘉義兩地為主要據點。1954年，陽谷主教牛會卿被任命為嘉義監牧；北平總主教田耕莘樞機也在1960年至1966年間擔任臺北總教區署理主教。