胡穗珊

胡穗珊（Suzanne Wu，1980年11月5號—），係工黨前主席、社區前進成員，油尖旺油麻地南選區前任議員。

胡穗珊

簡歷

胡穗珊中學讀聖士提反書院，大學讀香港理工大學語言及傳意學士，之後再讀英國華威大學性別與國際發展碩士。佢2011年做咗工黨創黨黨員，2015年開始做主席。

2016年，胡穗珊代表工黨參選立法會選舉九龍東直選，排名單頭位。但由於民望低迷嘅關係，喺9月2號宣布停止拉票，最後落選。2017年，胡穗珊退出工黨，並且喺第二年（2018年）成立社區前進。

2019年，胡穗珊參選第6屆香港區議會選舉嘅油麻地南選區，結果順利擊敗楊子熙；2021年9月尾，佢同黨友朱江瑋參與2021年香港區議員宣誓，被港府裁定宣誓無效，即時冇咗區議員席位。