胡耀昌（英文：Max Wu，1988年9月26號—），係香港新民主同盟前任秘書長，大埔區議會新富選區前任議員。
胡耀昌2012年底加入新民主同盟范國威議員辦事處做政策研究主任，2016年開始做新民主同盟社區主任。喺2019年第6屆區議會選舉，胡耀昌參選大埔區議會新富選區，最後打贏時任區議員羅曉楓，成功當選，但到咗2021年5月9號，佢以「議會空間畀人塞住咗，冇辦法履行從政抱負」為理由，決定劈炮，唔撈區議員一職，同時退出新同盟。
