色模》(英文:Super Models),原名《我要做𡃁模》,係一套因香港社會興起少女模特兒熱潮而拍嘅電影,喺2009年9月開鏡,但直到2015年先上畫,由周柏豪趙碩之賈曉晨陳百祥羅家英曹查理戴夢夢艾美琦陳若嵐董敏莉王合喜黃嘉樂梁焯滿主演,羅惠敏仁傑執導。

最初開拍嗰陣,仲搵嚟趙碩之陳若嵐王璐瑤周柏豪黃家樂賈曉晨顏后君李婷婷同埋郭思琳等人出席記者招待會。之後重到國際展貿中心舉行一場「𡃁模」比賽。但係電影之後冇咗下文[1],多年後據報電影已殺青,不過一直無上映[2][3]

加入情色內容後上畫 編輯

去到2015年,電影被加入大量情慾情節後,以《色模》嘅名義上映。亦由於呢啲改動,一套笑片變成咗情色片,而六年後人氣地位有所提升嘅周柏豪,就成為咗情色片主角。對於呢個改動,周柏豪話只係感到無奈,而且無被通知。而趙碩之就直頭形容件事冇眼睇。但兩人都表示冇諗住追究件事[4]

評價 編輯

  • 影評網站《講。鏟。片》形容製作同劇本都好求其,只係喺度展示女性嘅乳溝同埋胸圍,演員嘅演技亦唔得[5]

參考 編輯

  1. 《我要做o靚模》爛尾? | 講。鏟。片 22/02/2011
  2. 「翻版謝婷婷」 YoYo兩度尋死獲救 互聯網檔案館歸檔,歸檔日期2019年11月13號,. 香港蘋果日報 2018年6月22
  3. 电影《我要做嫩模》杀青 赵硕之解封拼赢贾晓晨(大陸簡體)
  4. 男神周柏豪慘變鹹星 香港太陽報 2015-10-23 (香港繁體)
  5. Ryan (2015-10-22). . (臺灣中文). 喺2021-07-29搵到.

出面網頁 編輯