艾力何力卡（德文：Erich Honecker，IPA: [ˈeːʁɪç ˈhɔnɛkɐ]，1912年8月25號—1994年5月29號），德國政治家、共產主義者，亦係最後一位正式嘅東德領導人，曾經做過德國統一社會黨總書記同埋德意志民主共和國國務委員會主席。兩德統一以後，佢首先逃亡去蘇聯，但係由於新俄羅斯聯邦政權成立嘅關係，艾力何力卡好快就畀人引渡返去德國。佢因為冷戰嗰陣嘅所作所為，例如係殺死嗰啲諗住推翻佢政權嘅192個德國人，而畀人控告叛國罪。不過，由於佢生癌，所以畀人釋放。艾力何力卡其後去咗智利聖地亞哥同屋企人團聚，並死喺嗰度，終年81歲。
