花臣(據講嚟自英文:Fashion),又叫花款、花樣,或者借英文叫 pattern(pet1 tan2*4),係視覺藝術同相關領域嘅概念。如果花臣呢隻詞用嚟描述一件作品,就係指嗰件作品上面一啲係噉重複嘅圖案或者格局。當中作品可以包括好多嘢:畫、雕塑、地毯以至建築物等嘅作品,都可以有花臣喺上便。
視藝花臣(件作品上面有啲係噉重複嘅圖案)嘅多個例子
喺粵語嘅日常語境當中,「花臣」一詞可以用落人度。喺呢種情況下,隻詞就係講緊個人好時興,或者識諗好多新招數、新花款同 gimmick。
- Garcia, M. The Patterns of Architecture. Wiley, 2009.