蓮花粵拼lin4 faa1,學名:Nelumbo nucifera),又叫荷花ho4 faa1)或芙蓉fu4 jung4),簡稱lin4)或ho4),係蓮科蓮屬嘅一樖長年水生草本植物。另外,佢唔單止啲核重係世界上最長壽嘅核嘅同時[1][2],甚至俾植物學家稱為自然界嘅「活化石」[3][4]。原產地喺中國[5][6][7][8][9]種荷花喺中國已經有成3000幾年嘅歷史[10],而家喺中國嘅邊個地區都可以見到佢。

How to read a taxoboxWikipedia:點樣睇生物分類框
How to read a taxobox
蓮花

物種分類
植物界 Plantae
門(Divisio): 被子植物門 Magnoliophyta
雙子葉植物綱 Magnoliopsida
山龍眼目 Proteales
蓮科 Nelumbonaceae
蓮屬 Nelumbo
蓮花 N. nucifera
二元學名
Nelumbo nucifera
Gaertn.

生長過程 編輯

佢嘅地下莖喺湖或水塘底入面啲泥度橫行,而因為型態似鞭,所以又叫「蓮鞭」。而蓮鞭嘅頂分咗幾橛出嚟,喺夏天到秋天期間,蓮鞭會深入塘泥,逐漸漲大成所謂嘅「蓮藕」。喺蓮鞭嗰幾橛度成日出鬚根而束喺湖底,跟住所生出嘅葉同花莖挺立喺水面,型態優美。

形態 編輯

 
蓮花嘅核——蓮蓬

佢嘅葉又大又圓,冇裂痕,花大有香味。而根狀莖嗰度又粗又大,每橛之間大到有氣孔出嚟。

花瓣 編輯

蓮花嘅花瓣成日俾人嗌成「花被」,有啲品種係凈得1埐,有啲係≥2埐。其中呢啲品種唔同嘅係:

花被埐數 種類 可唔可以出嘢 可唔可以食得
=1埐 單瓣 可以,既出蓮蓬又出果。 可以
≥2埐 重瓣 唔得,乜都唔出。 唔得
 
白色嘅蓮花

編輯

蓮花嘅核生日生喺漲大咗嘅花托盤嗰度,嗰啲成日俾人話成「蓮子」,由於佢啲核俾硬殼保護咗,所以埋喺地底成幾個世紀都唔爛得。據歷史記載,喺中國遼寧省新金縣(而家係中國遼寧省大連市普蘭店市)嗰度挖咗成批大概係2000幾年前嘅古蓮核[11][12]。後嚟經過咗一系列嘅培養之後,有96%嘅蓮花核都發咗芽[13][14]

編輯

荷花嘅地下莖喺斷咗之後都有絲連埋一齊。原因係蓮藕入面嘅帶狀螺旋式導管同管胞嗰度嘅次生壁拉長咗而成。之所以有句成語話嘅「藕斷絲連」就係噉。

作用 編輯

 
柬埔寨街頭賣緊蓮子嘅僆仔

蓮嘅各個部分有唔同作用。

  • 荷葉:可以做同整荷葉飯
  • 蓮子(核):可以整蓮子羹,煮熟或壓爛佢之後可以整成蓮蓉,而蓮蓉可以用嚟整月餅年糕大福餅嘅餡,重有蓮蓉包、蓮蓉糕呢啲嘢。
  • 蓮芯:可以用嚟浸茶。
  • 蓮花:公蕊可以沖水飲。
  • 蓮藕(),可以煲蓮藕湯

花瓣、荷葉同蓮藕都可以生食。

藥用價值 編輯

蓮花嘅蓮子、胚芽、蓮葉、蓮房、公蕊同蓮鞭都可以入藥。佢有以下呢啲功效:

部位 主治
根莖 熱病煩渴、疴血、嘔血。
韌荷葉 暑濕煩渴、頭暈、頭痛、脾虛、大肚腩,大便疴爛屎或疴水、疴血,嘔嗰陣出血、大肚婆生咗BB之後出好核凸又唔乾淨嘅嘢。
嫩荷葉
胚根
失眠、煩躁、頭暈眼花、眼紅、嘔血、遺精、血淋淋、天泡濕瘡,疥瘡、痕腫。
花托 崩漏、月經過多、大便出血,血尿,痔瘡發作。
黐脷筋、失眠、心煩、嘔、厭食、遺精、帶下,尿濁。
失眠、心悸、脾虛久瀉,疴遺精出嚟。
核皮 嘔血、出血、疴血。

睡蓮同荷花嘅區分 編輯

睡蓮同荷花經常俾人搞亂,因為花型相類似。雖然係噉,兩者實情差別幾大。

PK項 睡蓮 蓮花
 
 
浮喺水面,
有深裂痕。
伸出咗水面,
圓兼冇裂痕。
英文單詞 water lily lotus
植物學分類 植物界(Plantae)
> 被子植物分支(angiosperms)
> 睡蓮目(Nymphaeales)
> 睡蓮科(Nymphaeaceae)
> 睡蓮屬(Nymphaea)
> 睡蓮(Nymphaea tetragona)
植物界(Plantae)
> 被子植物分支(angiosperms)
> 真雙子葉植物分支(eudicots)
> 山龍眼目(Proteales)
> 蓮科(Nelumbonaceae)
> 蓮屬(Nelumbo)
> 荷花(N. nucifera)

文化 編輯

澳門嘅行政區旗(圖)同區徽都係用咗蓮花嚟做撈稿。
珠海市香洲區白蓮路嘅路牌,呢條馬路係因為之前有好多蓮花響呢度先至改咗噉嘅名。

蓮花喺文化入面源遠流長,其中:

中國文化 編輯

睇埋:愛蓮說

喺中國文化裡面,蓮子寓意「連生貴子」。傳說入面每年農曆六月廿四就係蓮花嘅生日,有見及此,古人又稱荷花為「六月花神」[15][16][17]

另一個出名嘅例子,可以睇吓《愛蓮說》呢篇由北宋理學家周敦頤寫嘅文,講作者幾咁鍾意蓮花:

水陸草木之花,可愛者甚faan4;晉陶淵明獨愛菊。自李唐來,世人甚愛牡丹。予獨愛蓮之出淤泥而不染,zok6清漣而不妖;中通外直,不蔓不枝;香遠益清,亭亭凈植,可遠觀而不可褻玩焉。
予謂:菊,花之隱逸者也;牡丹,花之富貴者也;蓮,花之君子者也。ji1!菊之愛,陶後sin2有聞;蓮之愛,同予者何人?牡丹之愛,宜乎眾矣!

濟南市花 編輯

荷花之所以做咗山東省濟南市嘅市花,係因為自古以嚟,濟南人個個都中意荷花。所以到咗1986年,濟南市人民代表大會嘅第九届廿次常務委員會就照顧咗當地民眾嘅心意,特登將荷花定為濟南市嘅市花[18]

澳門特別行政區花 編輯

喺澳門嘅傳統文化嚟睇,從古至今就有「蓮花寶地」同「蓮花福地」嘅嘢,包括唔少嘅文人同墨客都話呢度係片福地,加上澳門人本身亦都中意蓮花,所以喺1999年12月20號澳門主權移交之後,澳門嘅法律規定澳門特別行政區嘅區旗同區徽嘅撈稿就用咗蓮花嘅樣,話清澳門人成日都鍾意蓮花噉解[19]

花名歌謠 編輯

喺中國內地嘅古詩文化入面,曾經有首同花名歌謠有關嘅詩係形容12個月出嘅比較靚嘅嗰啲植物。其中入面講嘅「六月荷花滿池塘」就係佢。

有關嘅書 編輯

  • 中国少年儿童百科全书 自然·环境 第419-420页 浙江教育出版社 ISBN 7-5338-1946-2/G·1942

編輯

  1. 千年莲子开花和种子的寿命之谜[失咗效嘅鏈] 网络孔子学院
  2. 长寿种子之谜 商洛之窗网
  3. 水中芙蓉 互聯網檔案館歸檔,歸檔日期2016年3月5號,. 深圳市滨河小学
  4. 荷花全身都是宝 互聯網檔案館歸檔,歸檔日期2016年3月4號,. 昆明信息港 (2013-07-11)
  5. 为什么说中国是荷花的原产地 - 新编十万个为什么 便民查询网
  6. 荷花原产在中国[失咗效嘅鏈] 中国花卉网 (1988-8-5)
  7. 中国是荷花的原产地 互聯網檔案館歸檔,歸檔日期2016年3月6號,. 《生命世界》1987年第03期  吾喜杂志网
  8. 为什么说中国是荷花的原产地 互聯網檔案館歸檔,歸檔日期2016年3月7號,. 上海徐汇区青少年活动中心
  9. AU Lotus Project - book excerpts 互聯網檔案館歸檔,歸檔日期2008年10月5號,. AUBURN UNIVERSITY
  10. 荷藕文化的中心—莲子
  11. 心中的荷花 互聯網檔案館歸檔,歸檔日期2016年3月5號,. 小精灵儿童网站
  12. 世界最长寿的种子:千年古莲子生根、发芽、开花、结实 360Doc个人图书馆
  13. 荷花 互聯網檔案館歸檔,歸檔日期2016年3月6號,. 散文吧
  14. 有机课堂 => 农庄植物介绍 互聯網檔案館歸檔,歸檔日期2012年7月30號,. 北京天福园有机农庄种植中心
  15. 中国古代十二月花神是谁_古代十二月花神排行榜_中国古代的花神排名 趣历史
  16. 二月花节话十二花神传说 360Doc个人图书馆
  17. 六月花神:荷 - 正见
  18. 济南市花——荷花 互聯網檔案館歸檔,歸檔日期2016年3月5號,. 山东图片库
  19. 澳門與蓮花的三種關係 互聯網檔案館歸檔,歸檔日期2016年3月5號,. 南方網 (2002-12-17)

連出去 編輯