荷馬

荷馬（古希臘文Ὅμηρος，拼做Homēros）係古希臘詩人，寫過史詩Iliad同Odyssey。不過荷馬係咪真有其人，就各有各講，未有定論。

荷馬像

史實

就算到咗廿一世紀初，仲有唔少人質疑荷馬係咪真係Iliad同Odyssey呢兩首史詩嘅作者：事實表明，當代（同荷馬同期）嘅文獻好少可提到荷馬呢個人；對於荷馬喺邊度出世或者做過啲乜，學界所知甚少；有唔少人懷疑，Iliad同Odyssey各部份查實係由唔同人作嘅，每部份都畀聽到嘅人口耳相傳，期間因為流傳而走咗樣，傳咗一排後先畀人攞文字紀錄低—而荷馬做嘅只不過係集結前人嘅創作，編成兩首史詩；甚至有啲人懷疑，荷馬呢個人根本就唔存在，啲希臘人之所以會話「首史詩係荷馬作嘅」純粹係因為佢哋想搵一個單一作者，嚟做呢兩首偉大史詩嘅創設神話。