落馬洲管制站

落馬洲管制站係香港陸路邊境口岸之一，位於元朗區落馬洲。從呢度過關後可以到達深圳皇崗口岸。呢個管制站同埋附近嘅落馬洲支線管制站十分接近，但喺東鐵綫落馬洲站落車之後必須前往落馬洲支線管制站離境大堂，唔可以前往落馬洲管制站。起呢個站嘅目的係為咗疏導羅湖過境人流。起好之後成為繼文錦渡之後嘅第二個公路口岸。

目前呢個管制站人流好多，僅次於羅湖。市區旺角、尖沙咀以及上水都有過境穿梭巴士到呢度。