葉乃裳
葉乃裳（英文：Yeh Nai-chang；1961年—）係美國籍臺灣裔嘅物理學者，喺臺灣嘉義出世[1]。而家係加州理工學院教授，美國物理學會會士、美國科學促進會會士，曾被列入《美國科學名人錄》。最知名嘅係對超導體嘅研究。
| 葉乃裳 | |
|---|---|
| 出生日 | 1961年  |
| 國籍 | 美國 |
| 母校 | 國立臺灣大學、麻省理工學院、麻省理工學院、國立臺灣大學 |
| 職業 | 物理學家 |
| 僱主 | 加州理工學院、加州理工學院 |
[改維基數據] | |
早年
編輯早讀一年嘅葉乃裳由私立復興小學、復興中學初中部、臺北市立第一女中（北一女中）畢業。
葉乃裳喺北一女中嗰時，就活躍喺樂隊同合唱團，重係校刊社嘅社長。佢重會創作中國古典嘅詩詞。
葉乃裳自細就鍾意文學、詩詞、音樂，最擅長鋼琴、書法同古典詩詞，原本以為自己會走文藝嘅方向，但喺12歲時上物理堂嗰時就沉醉其中，由最細嘅物質粒子到宇宙，都有物理理論可以解釋，令到佢覺得好神奇、着迷，於是就開始睇各種嘅物理書籍。但係由於物理基礎同訓練唔足夠，總係明啲唔明啲、識啲唔識啲咁，於是令到佢決心學物理。
大學入學考試時，佢嘅成績可以入到台灣傳統觀念最熱門嘅台大醫學系，但係佢揀咗國立台灣大學物理系，21歲大學畢業之後就去美國深造，25歲就攞到麻省理工學院物理博士，係嗰時台灣最細嘅女博士。
事業
編輯葉乃裳喺麻省理工學院同IBM擔任博士研究員一年之後，就得到哈佛大學、加州理工學院等校物理系嘅招聘。佢因此成為咗加州理工學院物理系有史以嚟唯一嘅女教授，佢精於凝態物理領域。喺佢33歲嗰時，就成為咗加州理工學院創校百年以嚟，第一個得到終身聘約嘅亞裔女教授。葉乃裳重登上美國時代雜誌，被譽為全美最有潛力嘅年輕科學家之一。葉乃裳關於喺室溫環境之下合成石墨烯嘅研究得到突破性進展。[2]。
參考
編輯- ↑ 葉乃裳教授專訪 互聯網檔案館嘅歸檔，歸檔日期2019年6月9號，. （2007-9-1），國立臺灣大學物理學系，2008
- ↑ 室溫合成石墨烯 台裔教授找到答案 互聯網檔案館嘅歸檔，歸檔日期2016年6月11號，.，中央廣播電臺 Radio Taiwan International，2016-05-21
- 時代雜誌Vol.138 #20, P.73, Nov. 18, 1991
- 時代雜誌Vol.138 #20, P.7
- 陳雅玲 (2006-01-30)。〈用物理語言探索宇宙定律〉。《商業周刊》。城邦 (第949期): 136–138。｢人生大夢二》加州理工學院首位亞裔女性終身教授葉乃裳｣