葡萄園工人嘅比喻
聖經譯文
編輯| 「 | 因為天國好比一家嘅主人清早出去請工人去佢嘅葡萄園做工。佢同工人講好每日一個銀幣，就打發佢哋去葡萄園做工。上晝九點鐘左右，佢見到市場上重有啲人企喺度，無所事事噉，就對嗰啲人話：「你哋都去葡萄園做工啦，我會畀你哋合理嘅工資。」佢哋亦都去咗。大概喺中午同下晝三點鐘又出去，照樣請咗一啲工人。下晝五點鐘左右，佢又出去，佢見到重有人企喺嗰度，就問佢哋：「點解成日企喺度無所事事呢？」佢哋答話：「因為冇人請我哋。」佢就對佢哋話：「你哋都去葡萄園做工啦。」到咗夜晚，園主對工頭話：「叫工人嚟，分發工資畀佢哋，由最後入嚟嘅畀先，直到最先嚟嘅畀完為止。嗰啲下晝五點鐘先至嚟做工嘅，每人得到一個銀幣。嗰啲最早嚟做工嘅，以為可以攞多嘅，點知每人都係得到一個銀幣。佢哋攞咗工資之後，就埋怨嗰個主人話：「我哋由朝到晚辛苦噉做，同嗰啲最後入嚟淨係做咗一個鐘嘅，佢哋竟然同我哋嘅工資一樣？」主人答佢哋其中一個話：「朋友，我並冇唔公平對待你呀，你唔係我同我講好係一個銀幣咩？拎你嘅錢返去啦！我畀嗰啲最後入嚟同畀你嘅一樣，唔通我嘅嘢唔可以隨我嘅意思用咩？因為我做好人，你就妒忌咩？」噉樣，嗰啲喺後面嘅，將要喺前面；喺前面嘅，將要喺後面。
|
」 |
——《馬太福音》20章1-16節 | ||
解釋
編輯呢個比喻係以葡萄園嘅工作嚟講明人與天國嘅關係，中心要旨唔係「平等待遇」或「同等價值」，而係強調上帝完全嘅恩典。上帝係最仁慈、慷慨嘅老闆，唔在乎人係咪值得，呢一切都係出於上帝嘅愛，呢啲就係恩典。無論乜嘢時候入到葡萄園，工資一樣表明服事主所得嘅恩典都係一樣。天國事奉原則並唔係信主愈耐，事奉愈耐，得到嘅就愈多。無論係第一批嘅門徒，定係今日嘅信徒，我哋能夠進入上帝的國，唔係我哋配唔配，而係上帝嘅恩典。上帝樂意拯救嗰啲喺最後一刻先至悔改歸向佢嘅罪人，令到後嚟嘅都可以進入天國[1]。