蔡若蓮JPChoi Yuk-lin1966年—)係香港教育界人士,香港政府教育局現任局長。

蔡若蓮
Choi Yuk-lin in 2016 (cropped).jpg
出生日1966年 喺Wikidata改呢個
國籍中華人民共和國 喺Wikidata改呢個
母校香港浸會大學香港中文大學 喺Wikidata改呢個
職業政治人 喺Wikidata改呢個

簡歷

蔡若蓮從事教育工作超過廿年,1988年開始任教中學超過十年,之後任職教育局,負責校本課程及語文教學支援工作。2013年開始任職中學校長,其間亦有參與社會同教育服務工作,包括創立香港教師夢想基金,同埋參與撲滅罪行委員會同青年事務委員會嘅工作。

蔡若蓮喺香港浸會大學畢業,主修中國語言、文學及文化。其後,經持續進修獲授香港中文大學語言學碩士、教育碩士同教育博士、香港浸會大學中國語言及文學碩士學位。

爭議

上位途徑奇怪

蔡若蓮參加第6屆香港立法會選舉落敗之後,突然之間因被香港政府委任而變得位高權重;得唔到選民支持嘅人被揀嚟做大官一事,引嚟大眾泛民主派反感[1]

推行反法政策及將粵語形象妖魔化

蔡若蓮努力噉改動香港教育制度,推崇普通話,貶損廣東話,話講後者嘅兒童係惡魔,又發表粵語唔係中國法定語言嘅謬論——理論上違反香港基本法及中共憲法,實際上受中共中央力撐[2]

大仔跳樓自殺,引起香港教育大學涼薄大字報事件

2017年9月7號中午,佢嘅大仔潘匡仁跳樓自盡,同日晏晝,香港教育大學民主牆有兩個男仔貼咗「恭喜蔡匪若蓮之子魂歸西天」嘅冒犯性標語,呢家嘢隨即引起香港社會各界高度關注,重引發香港教育大學涼薄大字報事件,特首林鄭月娥予以強烈譴責,又因為教大洩露閉路電視片段而惹嚟軒然大波。教大校方响事發後,曾經宣稱張貼者身份唔明確,又以保護張貼者身份為由拒絕報警。校方自行調查三個月後,證實係教大校內學生做嘅。教大校方重話,嗰兩名學生唔係主修教育學科,認為佢哋唔會成為教書先生

參考

  1. 若蓮落選當副局 劉江華:理念一致就可以. www.bastillepost.com. 2017-08-03. 喺2022-07-31搵到.
  2. 壓母語!香港新任教育局長:廣東話是中國方言 粵語是惡魔 | 中國. Newtalk新聞 (中文). 臺灣. 2022-06-27. 喺2022-07-31搵到.

出面網頁