衛生蔴雀，係蔴雀術語，指唔係競爭為目的嘅雀局（唔係乜嘢特別玩法或者牌例）。有時人唔係為咗賭錢輸贏而打蔴雀，而係借開枱達到其他目的，例如朋友間彼此聯誼，或者打發時間。所以打衛生麻雀通常上落唔大，只會打一兩毫子咁上下，而且有得上就上，有得碰就碰，唔會刻意去做牌，純粹玩運氣。
