袁嘉蔚
香港政治家
袁嘉蔚(英文:Tiffany Yuen,1993年9月30號—),花名「田灣女孩」、「瑜伽蔚」,係香港泛民主派政治家,地區組織南區萬事嘅成員,南區區議會田灣選區議員,亦係區諾軒立法會議員辦事處嘅南區社區幹事,專職處理田灣嘅地區事務。佢同時係香港眾志創黨主席羅冠聰前女友,自己亦做過香港眾志副主席,2018年退出咗。
袁嘉蔚 | |
---|---|
![]() | |
個人資料 | |
性別 | 女 |
別名 | Tiffany Yuen |
出世 | ![]() | 1993年9月30號
國籍 | ![]() |
政黨 | 南區萬事屋 |
學歷 | 學士 |
母校 | 香港城市大學 |
職業 | 南區區議會田灣選區議員 |
薪金 | 港幣33,950緡 |
活躍時期 | 2014年到依家 |
簡歷改
袁嘉蔚喺英屬香港出世,香港城市大學中文系畢業,讀書期間已經活躍參與社會運動,包括參與過2014年反新界東北撥款示威同佔領中環。佢2016年加入香港眾志,2017年佢男友羅冠聰被取消立法會議員資格後,佢曾經係其中一個接棒參加補選嘅人選,最終考慮知名度等等因素,決定由周庭出選,袁嘉蔚就做香港眾志副主席。2018年5月,佢無競逐連任副主席,同時宣佈退出香港眾志。同月佢決定落腳南區嘅田灣參與地區工作,同埋喺第6屆香港區議會選舉挑戰由2004年開始就任區議員嘅陳富明,結果以4191票打贏陳富明,成功當選。
2020年,袁嘉蔚喺社交平台Po咗玩倒立嘅相,有網民更幫佢起咗個「瑜伽蔚」嘅花名。同年,袁嘉蔚同另外兩個社運人士黃莉莉、何嘉柔開咗個YouTube頻道「番號ABC」講性話題。
2021年,佢同梁凱晴、岑敖暉因為參加維園六四燭光晚會而被控非法集結罪名成立,佢同梁凱晴被判坐花廳4個月,即時冇咗區議員席位。
出面網頁改
- 〈南區區議會 - 南區區議會議員資料〉 (繁體中文). 南區區議會.
- 袁嘉蔚嘅Facebook頁