諸葛緒(?—?),琅邪郡陽都縣人,曹魏末年到西晉初年嘅政治人。

生平 編輯

諸葛緒係曹魏嘅雍州刺史,佢喺魏滅蜀之戰嗰時帶三萬士兵到陰平橋頭攔截姜維,目的係令姜維救唔到陽安關。姜維聽講諸葛緒已經喺陰平橋屯駐,於是往北方行軍,扮成要偷襲雍州嘅樣。諸葛緒知道之後將軍隊後撤三十里,姜維行咗冇耐之後見到諸葛緒被自己呃咗,於是即刻掉頭返陰平橋。諸葛緒知道後亦都即刻追返轉頭,但係冇追到姜維[1]鍾會做低陽安關之後帶兵南下,喺陰平嘅鄧艾本嚟想揾諸葛緒一齊行陰平小路,但喺諸葛緒認為呢個唔係司馬昭嘅命令,於是拒絕咗鄧艾嘅邀請,並且帶兵到白水同鍾會集合[2]。點知鍾會話佢「畏敵不前」,將佢用囚車運返曹魏,並且趁機控制咗佢嘅軍隊[3]。之後諸葛緒做咗曹魏嘅太常,西晉建立之後改做衛尉[4]

參攷 編輯

引用 編輯

  1. 《三國志·魏書二十八·王毌丘諸葛鄧鍾傳》:維敗走。聞雍州已塞道屯橋頭,從孔函谷入北道,欲出雍州後。諸葛緒聞之,卻還三十里。維入北道三十餘里,聞緒軍卻,尋還,從橋頭過,緒趣截維,較一日不及。
  2. 《三國志·魏書二十八·王毌丘諸葛鄧鍾傳》:鄧艾追姜維到陰平,簡選精銳,欲從漢德陽入江由、左儋道詣綿竹,趣成都,與諸葛緒共行。緒以本受節度邀姜維,西行非本詔,遂進軍前向白水,與會合。
  3. 《三國志·魏書二十八·王毌丘諸葛鄧鍾傳》:會與緒軍向劍閣,會欲專軍勢,密白緒畏懦不進,檻車徵還。軍悉屬會
  4. 《晉書·卷三十一·列傳第一·後妃上》:武帝受禪,尊為皇太后,宮曰崇化。初置宮卿,重選其職,以太常諸葛緒為衛尉,太僕劉原為太僕,宗正曹楷為少府。