謝聰敏
謝聰敏（1934年5月2號—2019年9月8號）係臺灣政治人物，《台灣人民自救宣言》起草人，前中華民國立法委員，前民主進步黨籍。
| 謝聰敏 Roger Hsieh | |
|---|---|
| 個人資料 | |
| 性別 | 男 |
| 出世 | 1934年5月2號.svg){kind=small} 臺灣 |
| 死 | 2019年9月8號（85歲） 臺灣桃園市龜山區林口長庚醫院 |
| 國籍 |  中華民國 |
學歷
| |
經歷
| |
經歷 編輯
謝聰敏畢業於國立臺灣大學法律學系。佢1964年喺國立政治大學政治學研究所做研究生嘅時候，參與彭明敏、魏廷朝嘅《台灣人民自救宣言》起草，表明台灣前途由人民自決；[1]9月20號，三人因此被捕並以叛亂罪被起訴。謝聰敏掛腳鐐被槍決前，獲雷震、田朝明醫師同田孟淑夫婦及美國駐中華民國大使館共同營救。
謝聰敏被羈押於臺灣警備總司令部保安處六張犁看守所期間，曾經同江炳興同囚一室。[2]1965年4月8號，謝聰敏被判有期徒刑十年，為當中最重者。其政大指導教授鄒文海話，謝將責任攬嗮上身，佢哋亦無能為力，實在幫唔到佢。[3]1970年出獄之後，謝聰敏又於1971年因花旗銀行爆炸案被誣為台獨暴力事件，同魏廷朝、李敖等一齊被捕，一生中曾經兩度入獄。1981年，謝聰敏擔任台灣人公共事務會副會長。
1986年11月30號，謝聰敏、林水泉同許信良自日本成田機場搭機，意圖闖關返台灣，最後因國泰航空唔畀佢哋三個人上機而無法成行。[4]喺台灣，支持群眾喺桃園機場外聲援抗議，是為桃園機場事件。[5][6]
1998年7月11號，謝聰敏指控曾經有民進黨籍立法委員擔任司法行政部調查局（法務部調查局前身）嘅線民；此言喺隔日登上《台灣日報》頭條，民進黨無回應[7]。謝聰敏話，佢曾經爭取擔任立法院司法委員會召集人以便作為徹底整頓調查局業務範圍嘅根據，某民進黨籍立法委員卻一再阻撓，佢暗中調查才發現呢個人係調查局線民。
2000年政黨輪替、陳水扁政府上台執政後，謝聰敏擔任總統府國策顧問。2007年4月，謝聰敏曾經參與「公審蔣介石」活動。2008年1月4號，謝聰敏喺以聲援台灣團結聯盟為主旨嘅「挺台聯，正本土」記者會中抨擊，台聯精神領袖李登輝提出嘅台灣經濟及社會問題應該受到重視，民進黨卻要捏死呢種聲音，證明民進黨「表面上要打倒蔣介石，卻都在學蔣介石」[8]。
2009年，謝聰敏同白色恐怖政治受難者團體指臺灣警備總司令部當年發布嘅臺灣省戒嚴令未依法按級呈報代理總統李宗仁、再由李宗仁提交立法院追認，因此依法無效；仲話，中國國民黨政府依無效嘅戒嚴令侵害部分人士嘅人身自由及財產權，司法院大法官卻不受理釋憲，佢哋要求監察院彈劾大法官、糾舉大法官失職。[9][10]2010年，監察委員黃煌雄等提出調查報告指出，1948至1949年有三次戒嚴令，1949年5月20號發佈嘅第二次戒嚴令是否有依《戒嚴法》第3條送立法院追認無從考究；1949年11月22號第三次嘅戒嚴令如未經總統宣告發布（李宗仁當時並唔喺中華民國境內，唔可能簽字公告，不符《中華民國憲法》第39條規定），形式要件唔完整，法定程序有瑕疵，則戒嚴令因欠缺形式法效而失效，軍事審判機關嘅審判權就有瑕疵，戒嚴時期因案被宣告沒收嘅財產「恐須重新審酌」，當然亦會發生其後嘅救濟問題；但最終相關法律嘅認定係司法院大法官。[11][10][12][13]謝聰敏等人對監察院嘅調查結果感到振奮，佢哋表示，自己因為喺戒嚴時期遭到軍法審判而坐牢，如果監委認定戒嚴令有瑕疵，咁當時嘅審判就企唔住腳，佢哋將根據呢項調查報告向司法院大法官聲請釋憲、爭取平反及冤獄賠償。[10]
2011年4月21號，謝聰敏同張富忠、許龍俊、陳鳳馨、尹乃菁、鄭麗文及蔡詩萍出席2011年民主進步黨總統提名選舉參選人許信良競選總部舉辦嘅「文人、資深媒體人、民權人士挺許信良記者會」，呼籲「重審許信良，釋放台灣人」。
2016年2月26號，謝聰敏披露，戒嚴時期，台獨聯盟日本本部委員長辜寬敏早前就被司法行政部調查局海外工作組副組長鄒紓予疏導返到台灣投降，司法行政部調查局以辜寬敏壓制台獨，辜寬敏結合司法行政部調查局出賣佢、李敖同魏廷朝，呢件事令金美齡讚嘆不已、令擅長辯論嘅李敖亦冇聲出；台獨聯盟嘅歷史刊物中刪除「台南美國新聞處爆炸案」同花旗銀行爆炸案，唔敢刊登李敖嘅受難，只誇大辜寬敏投降嘅「工作成績」；佢向監察院控告司法院大法官瀆職唔敢解釋長期戒嚴違憲，監察院支持「戒嚴違憲論」，國民黨與民進黨都唔敢面對轉型正義嘅現實執行憲法[14]。
2019年9月9號，經綠營人士透露，謝聰敏已於前一日（9月8號）中午喺林口長庚醫院病逝，終年85歲。[15][16][17]
睇埋 編輯
參考 編輯
- ↑ "Hsieh Tsung-min (3)". 行政院. 喺2019年9月28號搵到.
- ↑ 口述歷史期刊：第十一期（泰源監獄事件專輯），中央研究院近代史研究所，2002年
- ↑ 林冠妙 (2016年12月29號). 〈謝聰敏：蔡英文當選總統就是台灣獨立的不成文憲法〉 (臺灣中文). 民報. 原著喺2016年12月30號歸檔. 喺2019年9月28號搵到.
- ↑ "Opposition in Taiwan Calls Off 20 Rallies". 《洛杉磯時報》 (英文). 合眾國際社. 1986年12月1號. 喺2019年9月28號搵到.
- ↑ Shaw, Shullen (1986年11月29號). "Thousands of police ringed the airport Sunday with orders..." (英文). 合眾國際社. 喺2019年9月28號搵到.
- ↑ "Taiwanese Police Fight Off Demonstrators` March To Airport". 《芝加哥論壇報》 (英文). 合眾國際社. 1986年12月1號. 原著喺2017年9月27號歸檔. 喺2019年9月28號搵到.
- ↑ 許榮棋 (1999年12月). 〈《世紀大騙局系列叢書》創始號策劃序〉 (臺灣中文). 臺灣之聲廣播電臺. 喺2019年9月28號搵到.
- ↑ 黃瑞弘 (2008年1月4號). 〈獨派學者挺台聯 抨擊民進黨與本土社團是「當官俱樂部」〉. 《中央通訊社》. 原著喺2014年12月13號歸檔. 喺2019年9月28號搵到.
- ↑ 白色恐怖受難者 控訴大法官失職 互聯網檔案館嘅歸檔，歸檔日期2019年4月28號，.，臺灣時報，2009年4月6號
- ↑ 10.0 10.1 10.2 監院報告:38年戒嚴令 發布有瑕疵，公視新聞，2010年8月11號
- ↑ 監院調查38年戒嚴令有爭議 互聯網檔案館嘅歸檔，歸檔日期2015年4月2號，.，中央通訊社，2010年8月11號
- ↑ 臺灣發布戒嚴是否符合法定程序 監察院提調查報告，監察院，2010年8月11號
- ↑ 2010年監察院人權工作實錄：第1冊 公民與政治權利 互聯網檔案館嘅歸檔，歸檔日期2019年4月28號，.，監察院，2010年
- ↑ 謝聰敏 (2016年2月26號). 〈面對不敢面對的現實〉. 《民報》 (臺灣中文). 民報文化. 原著喺2016年3月5號歸檔. 喺2019年9月28號搵到.
- ↑ 謝聰敏病逝 享壽85歲，自由時報，2019年9月9號
- ↑ Yeh, Su-ping; Yeh, Joseph (2019年9月9號). "Presidential Office mourns death of independence activist Roger Hsieh" (英文). 中央通訊社. 原著喺2019年9月17號歸檔. 喺2019年9月28號搵到.
- ↑ "Presidential Office mourns independence activist's death". 《台北時報》 (英文). 2019年9月10號. 喺2019年9月28號搵到.
連出去 編輯
- 《民報》謝聰敏專欄
- 彭明敏三師生 起草宣言，自由時報，2004年8月8號
- 謝聰敏：國民黨用黑道治台，自由時報，2007年10月16號
- 為人權奮戰不懈，自由時報，2008年6月5號
- 許信良彩虹聯軍 出征
- 台灣演義 ~~ 田媽媽的愛情故事，2009年5月10號：3/4