賣懶係舊時細路過年嘅習俗。傳統上,年三十晚食完團年飯後,細路會攞住燈籠紅雞蛋行出街,大唱「賣懶!賣懶!賣到年三十晚!」,行到好遠之後上炷香,再食埋隻紅雞蛋就賣完懶返屋企。有啲地方嘅賣懶習俗融合咗落另一個習俗派財神度,要將一張寫住「懶」字嘅紅紙混埋入寫住「財神」字嘅紅紙,搵機會搏懵當「財神」派畀人,成功派出就代表賣懶成功。

中國民初陳伯陶嚮《東莞縣志》記載,東莞啲細路賣懶係要拎著隻蛋。[1]

參考 編輯

  1. 《東莞縣志‧輿地略八‧風俗》:「除夕祀先祠,食蜆。小兒持熟鴨卵行,且呼曰:『賣懶』。燒爆竹,換桃符。至夜,長幼圍爐守歲,房室多燃燈,拜灶、請卜釜、貯水、汎杓,視柄所指出,向其方,聽人言,為來歲作讖。」