呢篇文講嘅唔係賭館衛星賭場

賭廳(官稱:貴賓廳(葡文:sala VIP);防誤會用名:賭場貴賓廳娛樂場貴賓廳)係種澳門賭場獨有嘅部件,主要用嚟做豪客生意,多數由疊碼仔負責拉客去嗰道賭,唔多受一般街客玩。[1]家陣,賭廳入面嘅賭局種類以百家樂為主。[2]

博彩公司會喺賭場入面,劃分出唔少包含若干張賭枱[註 1],叫做賭廳嘅空間——多數會向外出租予廳主(官稱:博彩中介人(葡文:promotor de jogo);防誤會用名:賭廳廳主貴賓廳廳主),收入拆賬;[3]有少量賭廳由博彩公司自己管。[4]要細分嘅話,前者叫做私人廳(防誤會用名:外包貴賓廳中介貴賓廳),後者名為公司廳(防誤會用名:自營貴賓廳直營貴賓廳);[5]若果唔註明,一般指前者[註 2]。私人廳嘅弊病係黑幫活動好多,公司廳之弱點為追債本事唔夠;[7]兩者經常爭生意——博彩公司得到客人嘅個人資料之後,可能會自己聯絡,遊説對方下次幫襯公司廳;[8]部分廳主會啗客人投注落得私人廳有嘅枱底賭局,或者將唔關嗰間賭場事嘅網絡賭博平台推薦畀佢哋。[9]

廳主可以係公司亦可以係自然人商業企業主,要向政府攞牌。[10]疊碼仔[註 3]通常要喺佢哋所服務嘅賭廳道開個户口,愛嚟擺現金、泥碼、現金碼乃至借錢同收佣金等。[11][12]有啲廳主會收佣金,由賭廳道間啲位出嚟,畀冇牌嘅友仔以股東之身分,開啲叫做櫃桶嘅檔口。[13]

賭場用嚟招呼街客嘅賭錢區域,叫做中場[14]喺中場賭檯落注時,賭客所用嘅,幾乎都係由自己啲資產[註 4]換成嘅現金碼[15]賭廳嘅特別之處,係往往會向賭客借出泥碼,對方埋單計數時,係輸咗錢嘅話,好快就會有人向佢哋攞債,期間合法同犯罪手段都可能會使出嚟,亦經常跨境越國噉搞;[16]喺呢方面,公司廳會比私人廳審慎得多。[17]

濠博新聞報道:博彩公司喺2021年12月之貴賓廳業務規模由大至細嘅排名為:銀娛、澳博、新濠、美高梅、永利、金沙;[18]喺2021年11月,以市場佔有率嚟計,最大嘅6個廳主依次係:德晉集團太陽城集團廣東集團黃金集團恒升集團鉅星集團[19]喺2022年2月8號時,只得澳博依然有私人廳於其賭場內營業,喺銀娛永利新濠美高梅金沙嘅賭場裏面,名義上做生意嘅只得公司廳,縱使實際上可能有博彩中介喺入邊開工。[20]德晉喺2021年12月8號發出通告,話其部份賭廳就快摺埋。[21]太陽城喺2021年12月10號停止做貴賓廳生意。[22]黃金喺2022年3月30號執笠。[23]

編輯

貓姐夫婦買兇殺自己逃債 編輯

喺2006年8月18號,周若紅同林保生/林寶生[註 5]被發現雙雙死喺珠海高爾夫山莊附近。[24][25]起初珠海市公安、澳門司法警察同賭場消息人士都以為,佢哋當時去嗰道追賭債期間俾人暗算;[26][27][28]廣東省公安認為似係謀財害命,重可能涉及到澳門賭場及其外圍利益嘅糾紛,稱之為「8·18」珠海高爾夫球山莊特大兇殺案[29][30][31][32]珠海市公安喺2006年9月13號宣布破案——查到係死者買兇殺死自己,並已經拉齊哂五個嫌疑犯。[33][34]喺2008年7月21號,珠海市人民檢察院向媒體透露,佢哋確實係「僱兇殺己」,廣東省珠海市中級人民法院判決周海宏、李安江犯故意殺人罪,被處以有期徒刑十二年,剝奪政治權利兩年;陳家建、潘金來、楊政林犯故意殺人罪,被處以有期徒刑十四年,剝奪政治權利兩年;亦指出,死者因為多次高息借貸賭資畀人而收唔返,所以自尋短見嚟解脱債務糾纏,並且要整個假象出嚟。[35][36]周若紅人稱「貓姐」,生前係葡京娛樂場金寶殿行政總監兼股東,並且打理法老王宮殿娛樂場顯羅皇殿以及遊艇會娛樂場嘅一個賭廳——三間都係澳門實德有限公司嘅架步;另外一個死者係「貓姐」個老公,人稱「貓公」,有消息指佢係金寶殿嘅疊馬仔,亦有親人澄清話佢唔係,撈嘅係印刷;周海宏係「貓姐」嘅次弟,幫「貓姐」打理過賭場生意,喺案件中負責請殺手;陳家建同李安江買工具及策劃;落手嘅係潘金來同楊政林。[37][38][39]綜合罪犯作供,以及賭業人士分析:貓姐原本諗過自殺,無奈根據當時嘅江湖規矩,噉樣意味「父(/母)債子(/女)還」,連累到個女;覺得走投無路,先至會出此下策,買兇謀殺自己;如果係他殺嘅話,就會被視為因公殉職,賭廳唔單止會免咗佢筆賭債,重可能交低巨額恩恤金;而佢又驚拖累到細佬,於是寫低遺書交代來龍去脈,可惜事與願違,卒之周海宏要坐監收場;至於佢老公,本來可以一走了之……睇嚟係殉情之舉。[40]不過,有專家質疑以上講法。

洪欣被追數四百一十一萬 編輯

自2012年10月起,有人喺香港同澳門街頭貼咗唔少大字報,向洪欣追債。洪欣話,係老竇同人哋做嘅賭場生意糾紛,牽連到無辜嘅佢。[41][42]《蘋果日報》喺2012年12月7號,報道熟路疊碼仔「阿光」同其他人嘅爆料,話係個大衛會同發達會嘅麥姓負責人,向佢發出江湖追數令所致——係條疊碼數,有港紙四百一十一萬左右,事緣於洪父女喺2010年2月至6月,由上述兩者轉借咗啲泥碼,畀姓高同姓周嘅兩個大陸賭客,然而一直冇人還返,經追查,懷疑係俾洪父女落咗格……[43]又話洪欣經常上賭船同入澳門賭場博殺,後嚟重兼做疊碼妹,帶大陸富豪去賭;而洪父女之所以出事,好可能係因為佢哋採用咗風險同回報都高,親自揹數嘅揾食模式,而又䑛咗嘢……[44][45]大衛會同發達會都喺澳門辦賭廳,皆為黑幫生意,揸莊者分別為水房嘅黃強同十四K嘅「阿炳」。[46]

林燕羚贏逾三千萬無錢收 編輯

喺2013年10月8號,香港高等法院判香港人林燕羚欺詐罪罪名成立。辯方喺審訊時求情,提及:林之前因為債台高築,所以挪用客户存款;喺2012年8月21號/8月中一個星期之內[註 6],喺澳門某賭廳[註 7]賭贏咗超過三千萬港幣,準備攞嚟還債同補鑊,點不知檔嘢只係肯畀佢攞走百多萬港幣,其餘嘅用張「存款單」代替;揾咗澳門嘅司法警察同律師幫手,都係收唔到錢;[47]喺同年9月18號,走投無路之下終於喺間香港嘅警署自首;[48]佢部份犯罪,係由騎龍收數友迫出嚟嘅。[49]後來林所屬兼受害嘅瑞士信貸銀行香港分行出馬,追到一千四百萬港幣返嚟。[50]

黃山捲走八十億至一百億 編輯

喺2014年4月20號,黃山俾人經美好世界懸紅追尋,寫佢笠咗港紙八十億至一百億再人間蒸發;[51]佢之前以2.5厘嘅月息做誘因,吸納咗巨額存款。[52]黃可能同周濱關係密切,又識得唔少大陸高官同富商,係金麟集團嘅股東兼/或疊碼仔,而檔嘢喺澳門四間賭場經營賭廳[註 8]。消息傳咗出去之後,賭業股價紛紛急跌,又有好多投資者趕住去相關賭場攞走自己啲錢,金麟貴賓會老細何大志麻煩特別大。[53][54][55]呢單嘢通常叫做黃山事件或者黃山案[56][57]喺2016年10月10號,自稱為「正義聯盟」嘅三個男人,喺網上宣布已經喺柬埔寨將黃生擒,再帶咗去越南,用埋影片同相佐證;部分內嵌恒升集團嘅廣告。[58]有消息話,越南差人按通嗮天嘅地址資料,喺同月14號捉咗黃並驅逐出境,至於踢咗去焉,就不得而知咯;[59][60][61]不過有行內人推測係流料,甚至懷疑成壇嘢包含個新嘅騙局。聲稱捉到黃嗰隊人嘅首領,係獎獎獎老虎機貴賓會嘅老闆張正。[62]

林積被指發窮惡亂追舊債 編輯

《壹週刊》第一三三四期報道:大約四十歲嘅丁女士向該傳媒投訴,喺十年前做女疊碼時,幫集美國際娛樂集團有限公司主席林英樂(暱稱「林積」)嘅賭廳拉客,當中有個借咗港元五十萬之後無還……件事不了了之,丁亦轉咗行;到咗2015年8月,佢同林再碰面時,對方忽然之間舊事重提,重叫職員攞張港元九千多萬嘅欠單出嚟,要佢孭飛,又用黑社會手段恐嚇。記者就此事問過林,對方答話只係追佢還港元五十萬,冇用過黑社會方法;又鬧丁黐咗線,重懷疑佢因𢱑撈唔成而誣衊自己。

陳恩鴻穿櫃桶底九千幾萬 編輯

喺2016年1月4號,有傳媒話:澳門凱旋門娛樂場貴賓廳營運副總裁陳恩鴻監守自盜,虧空公款,啱啱走咗路。[63][64][65]至於事件嘅前因後果為何,各方眾説紛云。[66][67]司法警察局指:喺2016年1月3號接到某賭場代表就此嘅報案,而單嘢涉款九千九百七十多萬港圓,正循詐騙罪方向調查;[68][69][70]有傳媒話:陳喺2015年12月30號開始聯絡唔到,並得知條數係九千六百萬港圓,其中包括價值九百萬港圓嘅籌碼……有人被走數一千萬港圓,於是向司法警察局求助……之後有一千七百萬港圓被起返出嚟,然而損失金額仍然有七千萬港圓。[71][72]有傳媒話:陳亦係該賭場內賭廳,富貴廳嘅廳主——檔嘢有做以高息為誘因吸納存款,並借出賭貸,算係非法集資嘅生意,之後遇到擠提,陳因無錢退畀人哋,而偷走該賭場交向各間賭廳嘅碼佣,然後着草……影響最少十間賭廳……揾唔返嗰啲失款用咗嚟還以上債項或者/以及俾陳帶走咗——……估計經過呢番操作,陳依然欠過億港圓街數;[73][74]博彩監察協調局指:呢單嘢唔關非法集資事,亦非其監管嘅問題……得知賭場負責人貼錢補咗被陳掠咗嗰條數。[75]呢間賭場乃澳門博彩股份有限公司嘅衛星場,而澳門凱旋門董事長梁安琪,事後被頻頻追訪,有傳媒話:陳係梁嘅得力助手。[76][77]是次風波被稱為凱旋門事件凱旋門案[78][79]陳喺2016年1月1號簽發咗張金額為$20,000,000.00港圓嘅支票畀某公司,由於兑現唔到,嗰間公司經法庭追討去到陳個老婆身上……最新判決出現於2021年3月11號——中級法院裁定陳個老婆有份孭嗰筆本金,以及其隨時間過去而衍生嘅利息。[80][81]

編輯

有好多年,賭廳為澳門賭場帶嚟大部分收入。[82]

編輯

  1. 博彩監察協調局決定每間賭場頂櫳可以有幾多張賭枱。
  2. 當「貴賓廳」用於澳門賭場以外之事物,其實際意思與其字面所示者一致,同本文嘅主題唔關事。[6]
  3. 其法律稱呼為「博彩中介人合作人」。
  4. 扒仔會以一般客人之身分,喺中場道遊走揾客,幫大耳窿放貴利,然而呢種生意唔係制度嘅一部分。
  5. 資料矛盾,唔知焉個啱……
  6. 消息衝突,無從確定……
  7. 查唔到係焉間賭場或者焉個賭廳……
  8. 佢哋分別位於新葡京娛樂場、星際娛樂場、新濠鋒娛樂場同澳門美高梅娛樂場。

編輯

編輯

編輯

編輯

  1. 克:贵宾厅败,澳门赌场败-搜狐财经. business.sohu.com. 喺2022-11-02搵到.
  2. Wu, Xiaoqian; 吳小倩 (2015). Zhongguo ling dao ren de sheng yi yu zheng zhi. Xianggang. ISBN 978-1-940063-29-4. OCLC 911400123.
  3. 謂貴賓廳? - 香港經濟日報 - 知識庫 - 金融財經. service.hket.com. 喺2022-11-02搵到.
  4. Business Intelligence Monthly Magazine - 貴賓廳營運之謎. www.bizintelligenceonline.com. 喺2022-11-02搵到.
  5. 中央打擊澳門賭廳中介人涉黑說開去 – 新華澳報. www.waou.com.mo. 喺2022-11-02搵到.
  6. Newsdesk (2021-07-27). 葡京傳獲批近270賭枱 貴賓廳無同步開幕黃金廳未擬進駐有因. Allin News (繁體中文). 喺2022-11-02搵到.
  7. 設公司廳 闖出新天地 - 20170313 - 報章內容. (英文). 喺2022-11-02搵到.
  8. . 原著喺2016年1月7號歸檔. 喺2022年8月28號搵到.
  9. . 報網站 hkej.com. 喺2022-11-02搵到.
  10. (PDF). 原著 (PDF)喺2021年7月25號歸檔. 喺2021年7月25號搵到.
  11. 本思齊 (2020-09-02). . (中文). 喺2022-11-02搵到.
  12. 本思齊 (2020-10-04). . (中文). 喺2022-11-02搵到.
  13. 警揭貴賓廳息詐騙案 | 正思今日澳門. www.macautodaynews.com. 喺2022-11-02搵到.
  14. 新春博企自營貴賓廳大有開去 – 新華澳報. www.waou.com.mo. 喺2022-11-02搵到.
  15. 镜丨澳门贵宾厅落幕:员工失业赌客捞钱,私人飞机接送时代不再_腾讯新闻. new.qq.com. 喺2022-11-02搵到.
  16. 港澳包抄 破產令追殺 澳門賭廳狙擊債仔實錄 - 樂在澳門 - 澳門快訊. 周網周刊官方網站Eastweek.com.hk (臺灣中文). 喺2022-11-02搵到.
  17. Jing ji xue jia cha zuo. zong di liu shi san ji. Jin ming shan, 金明善. Ji nan: Shan dong ren min chu ban she. 2014. ISBN 978-7-209-08039-2. OCLC 907413275.{{cite book}}: CS1 maint: others (link)
  18. Newsdesk (2022-01-13). 介貴賓廳寒冬上月轉碼及收益瀉6成 公司廳崛起澳博躍居次席. Allin News (繁體中文). 喺2022-11-02搵到.
  19. Newsdesk (2021-12-14). 11月中介人貴賓廳排名齊齊整整成絕唱 轉碼增近半收益不升反跌. Allin News (繁體中文). 喺2022-11-02搵到.
  20. Newsdesk (2022-02-07). 沙去年底終止與三大賭廳合作 六博企僅澳博容中介貴賓廳駐場. Allin News (繁體中文). 喺2022-11-02搵到.
  21. 力報. 到個別娛樂場通知暫停合作 德晉集團通告受影響場館停運. . 喺2022-11-02搵到.
  22. . 盡媒體 AllAboutMacau Media. 2021-12-10. 喺2022-11-02搵到.
  23. 力報. 黃金集團宣告月尾結業 將向員工作出解僱補償. . 喺2022-11-02搵到. {{cite web}}: zero width space character in |title= at position 1 (help)
  24. [http://the-sun.on.cc/channels/news/20060819/20060819022046_0000.html "�� �� �� �� ��"]. the-sun.on.cc. 喺2022-11-02搵到. {{cite web}}: replacement character in |title= at position 1 (help)
  25. 京賭廳夫婦珠海遇害 - 香港文匯報. paper.wenweipo.com. 原著喺2021-07-28歸檔. 喺2022-11-02搵到.
  26. [http://the-sun.on.cc/channels/news/20060820/20060820024625_0000.html "�� �� �� �� ��"]. the-sun.on.cc. 喺2022-11-02搵到. {{cite web}}: replacement character in |title= at position 1 (help)
  27. [http://the-sun.on.cc/channels/news/20060820/20060820024625_0000_1.html "�� �� �� �� ��"]. the-sun.on.cc. 喺2022-11-02搵到. {{cite web}}: replacement character in |title= at position 1 (help)
  28. 喉雙屍案 珠海設專組緝兇 - 香港文匯報. paper.wenweipo.com. 原著喺2021-07-28歸檔. 喺2022-11-02搵到.
  29. [http://the-sun.on.cc/channels/news/20060821/20060821022839_0000.html "�� �� �� �� ��"]. the-sun.on.cc. 喺2022-11-02搵到. {{cite web}}: replacement character in |title= at position 1 (help)
  30. [http://the-sun.on.cc/channels/news/20060822/20060822025804_0000.html "�� �� �� �� ��"]. the-sun.on.cc. 喺2022-11-02搵到. {{cite web}}: replacement character in |title= at position 1 (help)
  31. 貓姐夫婦 親人涉主謀 - 香港文匯報. paper.wenweipo.com. 原著喺2021-07-28歸檔. 喺2022-11-02搵到.
  32. 婦命案港漢珠海被捕 - 香港文匯報. paper.wenweipo.com. 原著喺2021-07-28歸檔. 喺2022-11-02搵到.
  33. 案職業殺手就擒 - 香港文匯報. paper.wenweipo.com. 原著喺2021-07-28歸檔. 喺2022-11-02搵到.
  34. 案離奇買兇殺己! - 香港文匯報. paper.wenweipo.com. 原著喺2021-07-28歸檔. 喺2022-11-02搵到.
  35. 陽 報 網 頁. the-sun.on.cc. 喺2022-11-02搵到.
  36. 門賭場高管夫婦僱兇殺己 3殺手免死 - 香港文匯報. news.wenweipo.com. 喺2022-11-02搵到.
  37. [http://the-sun.on.cc/channels/news/20060826/20060826020046_0000.html "�� �� �� �� ��"]. the-sun.on.cc. 喺2022-11-02搵到. {{cite web}}: replacement character in |title= at position 1 (help)
  38. 債遇害 婦珠海火化 - 香港文匯報. paper.wenweipo.com. 原著喺2021-07-28歸檔. 喺2022-11-02搵到.
  39. "8·18"珠海高尔夫球山庄_三联生活周刊. old.lifeweek.com.cn. 喺2022-11-02搵到.
  40. 冼燕珊 (2018-11-28). 光燈門猛人貓姐欠巨債 因江湖規矩要買兇殺自己. 港01 (香港中文). 喺2022-11-02搵到.
  41. . 原著喺2021年7月25號歸檔. 喺2021年7月25號搵到.
  42. 欣遭連環貼大字報 - 娛樂放題 - 娛樂追擊. 周網周刊官方網站Eastweek.com.hk (臺灣中文). 喺2022-11-02搵到.
  43. . 原著喺2016年3月5號歸檔. 喺2021年7月28號搵到.
  44. . 原著喺2016年4月9號歸檔. 喺2021年7月28號搵到.
  45. . 原著喺2016年4月9號歸檔. 喺2021年7月28號搵到.
  46. . 原著喺2016年4月9號歸檔. 喺2021年7月28號搵到.
  47. 客3000萬爛賭瑞信女董囚7年. (香港中文). 喺2022-11-02搵到.
  48. 賭欠債 盜客3000萬 瑞信前女經理囚7年. (zn-tw). 喺2022-11-02搵到.{{cite web}}: CS1 maint: unrecognized language (link)
  49. 庭:前瑞信女董事欺詐監7年 - 東方日報. orientaldaily.on.cc. 喺2022-11-02搵到.
  50. . 原著喺2017年10月19號歸檔. 喺2021年7月27號搵到.
  51. . 原著喺2015年4月21號歸檔. 喺2021年7月27號搵到.
  52. 司:傳言不評論賭廳股東捲款百億走佬 - 正報新聞. www.chengpou.com.mo. 喺2022-11-02搵到.
  53. O'Keeffe, Kate. "Junket Figure's Disappearance Shakes Macau's Gambling Industry". WSJ (美國英文). 喺2022-11-02搵到.
  54. O'Keeffe, Kate. . (中文). 喺2022-11-02搵到.
  55. O'Keeffe, Kate. . (中國中文). 喺2022-11-02搵到.
  56. . www.macautimes.cc. 喺2022-11-02搵到.
  57. 門史上最大沓碼走數 黃山失蹤九百日後越南曝光. www.bastillepost.com. 2016-10-14. 喺2022-11-02搵到.
  58. 澳門賭廳百億後潛逃逾兩年 疊碼仔被尋回. on.cc東網 (香港中文). 2016-10-13. 喺2022-11-02搵到.
  59. 力報. 山事件最新進展 非法集資百億主角現身越南. . 喺2022-11-02搵到.
  60. 力報. 捲百億沓碼越南曝光 金獵人蹤900日擒黃山. . 喺2022-11-02搵到.
  61. 力報. 百億沓碼黃山曝光日 被越南列不受歡迎人士驅逐時. . 喺2022-11-02搵到.
  62. 捲款百億 潛逃兩年半 世紀老千黃山 落網過程揭秘 - 時事 - 時事速報. 周網周刊官方網站Eastweek.com.hk (臺灣中文). 喺2022-11-02搵到.
  63. . 原著喺2017年6月7號歸檔. 喺2022年4月25號搵到.
  64. . 原著喺2017年6月9號歸檔. 喺2022年4月25號搵到.
  65. . 原著喺2017年9月9號歸檔. 喺2022年4月25號搵到.
  66. 門消息:凱旋門賭廳高層 涉捲近億元失蹤. on.cc東網 (香港中文). 2016-01-05. 喺2022-11-02搵到.
  67. 門消息:凱旋門娛樂場遭虧空近億元 營運副總裁疑捲款逃 司警徹查. (香港中文). 喺2022-11-02搵到.
  68. . 原著喺2016年3月12號歸檔. 喺2022年4月25號搵到.
  69. . 原著喺2016年7月2號歸檔. 喺2022年4月25號搵到.
  70. . 原著喺2016年2月9號歸檔. 喺2022年4月25號搵到.
  71. 旋門疊碼仔傳捲數千萬走佬 旗下賭場出事 澳博強調無礙財務. 報網站 hkej.com. 喺2022-11-02搵到.
  72. 穿. 報網站 hkej.com. 喺2022-11-02搵到.
  73. http://imastv.com/news/article.php?id=82670[失咗效嘅鏈]
  74. http://imastv.com/news/article.php?id=82736[失咗效嘅鏈]
  75. 達夫︰35博彩中介人不獲續牌 凱旋門案不涉非法集資. 盡媒體 AllAboutMacau Media. 2016-01-13. 喺2022-11-02搵到.
  76. 旋門貴賓廳高層捲款潛逃 - 20160106 - 報章內容. (英文). 喺2022-11-02搵到.
  77. 門上季貴賓廳收入按季微增 - 20160120 - 報章內容. (英文). 喺2022-11-02搵到.
  78. 力報. 警查凱旋門高層涉詐騙 捲公款近億元疑潛逃失蹤. . 喺2022-11-02搵到.
  79. 力報. 監局:賭客借貸資料庫可行 35博彩中介不獲續牌. . 喺2022-11-02搵到.
  80. Newsdesk (2021-05-29). 廳副總裁虧空近億潛逃遺2000萬債務 妻子圖割席上訴中院判敗. Allin News (繁體中文). 喺2022-11-02搵到.
  81. 門特別行政區法院網站 | 新聞消息. www.court.gov.mo. 喺2022-11-02搵到.
  82. https://www.cuhk.edu.hk/ics/21c/media/articles/c176-201907005.pdf