贛江

贛江（贛讀禁，粵讀：gam³ gong¹）係長江支流，佢打橫穿過江西，係江西最大嘅河。贛江一年嘅流量，比黃河重要大，但係因為一年落嘅雨唔平均，所以贛江嘅河床唔深，航運冇乜發圍。

贛江
河
2010年喺樟樹市影嘅贛江 2010年喺樟樹市影嘅贛江
花名：灨、淦、楊漢、湖漢
國	中華人民共和國
省/州/邦	江西
支流
- 左邊支流	錦江、袁水、禾水、蜀水、遂川江
- 右面支流	恩江、瀧水
城市	贛州、吉安、南昌
源頭	貢水
次源	章水
匯合地	贛州
- 座標	25°52′47″N 114°56′10″E
河口	永修、新建縣、南昌縣
長度	991哩（3,190里，1,595千米）
流域面積	83,500 mi²（216,264 km²）
贛江流域地圖 贛江流域地圖

贛江又叫過灨或淦。

水流

贛江嘅源頭有兩個。東便有武夷山黃竹嶺嘅貢水，係綿水同湘水匯合而成嘅。另一個係出自大庾嶺嘅章水。章、貢兩條河喺贛州匯埋之後，就叫贛江喇。贛江會再向北流，路過吉安、樟樹、豐城同南昌，入長江度就係鄱陽湖嘍。贛江全長991公里，佢條支流長751公里，總流域面積 8.35 萬平方公里。

贛州同新淦將贛江分成三份，贛州上面喺贛江嘅上游，嗰度四維都係山地，主要嘅河有湘水、濂江、梅江、平江、桃江、上猶江等等，呢啲江最後都係通通流入章水同貢水裏頭。贛州到新淦箇段，係贛江嘅中游，起頭水流好急，去到吉泰盆地就慢得多。箇陣主要有東西兩頭，有孤江、遂川江、蜀水、禾水、瀧水匯入來。新淦下面就係贛江嗰下游，箇度冇幾多山，所以水唔太急，箇段匯入來嘅有袁水同綿河。

環璄

整個贛江流域氣候都唔錯，雨落得好密，一年能有1400到1800毫米。好幾年嗰平均年徑流量達到687億立方米，水能蘊藏量360萬千瓦。100到300噸嗰船響幹流上面，都可以成年通行。贛江上便有江西最大嘅水電站，萬安水電站。

贛江同北江上嗰大余、南雄隔得咁近，所以1936年粵漢鐵路通車以前，贛江一直係駁住長江同珠江嘅最主要通道。