赤洲

赤洲

赤洲（Port Island），香港一洲，地屬大埔區。洲上有石好紅，所以叫赤洲。而家無人住喺上面。全洲屬船灣郊野公園（擴建部份），有郊野公園條例規限。赤洲守住赤門口同大鵬灣水域。西北同黃竹角嘴間成海門，叫大赤門。南又同塔門成海門，叫赤洲口 。

赤洲東北向北近岸，泥水坑氹。西面有灣名大灣，又寫大環。東北角叫羊頭角，海水浸饋成海蝕柱，南角就叫紅鷹嘴。

地質

地質有三分之二係沉積岩，呈紅色，其餘係凝灰岩，出自早白堊紀。沉積岩有礫岩、砂岩同粉砂岩，都係赤紅。中生代時火山活躍。火山停爆後，香港氣候乾燥炎熱，火山受風化倒冧，岩石中鐵質，氧化成紅色。