近東

近東（粵拼：kan5/gan6 dung1）係歐洲人對於西亞或北非阿剌伯國家地區嘅稱呼。以佢哋住嘅位講，大多數係地中海東邊嘅沿岸地區，包括非洲東北邊同亞洲西南邊，有時亦包括巴爾幹半島。打咗巴爾幹戰爭同第一次世界大戰之後，啲人唔將巴爾幹講成近東，而係講成「東南歐」或「南歐」。雖然第二次世界大戰之後逐漸俾「中東」頂住檔，但兩個名一直喺度用緊。

     現代考古學同歷史學背景嘅近東     近東

地理概述

「近東」喺一般嚟講，有亞美尼亞、巴林、塞浦路斯、埃及、以色列、約旦、科威特、黎巴嫩、阿曼、卡達、加沙地帶、敘利亞、阿聯酋同也門，巴勒斯坦、伊朗、伊拉克、沙地阿剌伯、利比亞、同埋蘇丹、敘利亞、土耳其，約旦河西岸等國家。雖然聯合國食物同農業組織（FAO）規定咗近東嘅大致範圍，但計咗阿富汗同北非、巴勒斯坦領域。根據國家地理雜誌話，而家嘅近東大致係阿剌伯半島、塞浦路斯、埃及同伊拉克同佢嘅庫爾德斯坦地區、伊朗、以色列、黎巴嫩、巴勒斯坦領域、敘利亞同土耳其等國。