近東粵拼kan5/gan6 dung1)係一個大約位於地中海東部嘅地區,通常包括新月沃土安那托利亞地區,而有時亦會包括阿拉伯半島南部、北非部分地區、波斯地區、甚至阿富汗

  現代考古學同歷史學背景嘅近東
  近東

編輯

呢個名係嚟自歐洲人嘅角度,因爲相對於歐洲係喺東面,但係又冇遠東咁遠,所以就係“近東”。原本呢個名喺歷史上,主要係歐洲人描述鄂圖曼帝國範圍嘅方法,但係自從滅國之後,就冇咗好指定嘅邊界,所以依家嘅範圍都因人而異。今時今日,“近東”同“中東”通常都互相通用[1]

地理定義 編輯

根據國家地理學會嘅定義,中東同近東係等同,而“一般都被認爲包括阿拉伯半島國家、塞浦路斯埃及伊拉克(包括佢嘅庫爾德斯坦地區)、伊朗以色列約旦黎巴嫩巴勒斯坦敘利亞、同土耳其[2]聯合國食物同農業組織(FAO)嘅定義好相似,唯一分別就係計埋阿富汗[3]

根據《大英百科全書》,「近東」喺一般嚟講,包括亞美尼亞巴林塞浦路斯埃及以色列約旦科威特黎巴嫩阿曼卡達敘利亞阿聯酋也門巴勒斯坦伊朗伊拉克沙地阿剌伯利比亞、同埋蘇丹敘利亞土耳其等等嘅國家[4]

巴爾幹半島 編輯

打咗巴爾幹戰爭第一次世界大戰之後,啲人唔將巴爾幹講成近東,而係講成「東南歐」或「南歐」。雖然第二次世界大戰之後逐漸俾「中東」頂住檔,但兩個名一直喺度用緊。

編輯

  1. "Are the Middle East and the Near East the Same Thing?". Britannica.com. 喺2024-01-02搵到.
  2. "Middle East, Near East". Style Guide. 國家地理學會. 原著喺2020年5月23號歸檔. 喺2024年3月7號搵到.
  3. "The Near East", FAO, UN.
  4. "Near East", Encyclopaedia Britannica.