道瓊斯內幕交易案

道瓊斯內幕交易案,係香港銀行家李國寶喺做美國上市公司道瓊斯(《華爾街日報》母公司)董事時所涉嫌參與嘅內幕交易事件。

2007年,李國寶身為間公司嘅董事,知道好快有重要收購交易,佢有意或無意噉通知朋友梁家安等,令梁唔尋常噉大手買入道瓊斯股票。收購新聞一出,公司股價急升,梁家安等大有斬獲。之後,李國寶等受美國證券交易委員會調查,李國寶肯畀罰款庭外和解,但就向外界唔認又唔否認呢單自己有罪。

香港傳媒泛民主派認為,李國寶違反誠信,要求李國寶交代真相,同埋辭咗香港立法會嘅議席。2008年2月,李國寶只係辭咗香港特別行政區行政會議成員嘅職務。