鄭海泉
鄭海泉，GBS，OBE，JP（英文：Vincent Cheng Hoi-Chuen，1948年7月16號—2022年8月28號）係香港銀行家，擔任過香港上海滙豐銀行亞太區主席。佢係滙豐控股有限公司首位華人執行董事。大學時係中大學生會第二屆內閣副會長，參與政治活動，被港英政府政治部稱為「極端激進分子」（extremely radical）。
| 鄭海泉 Vincent Cheng Hoi-Chuen GBS OBE JP | |
|---|---|
| File:鄭海泉肖像.jpg | |
| 香港上海滙豐銀行有限公司主席 | |
| 任期 2005年5月25號－2010年2月1號 | |
| 前任 | 艾爾敦 |
| 繼任 | 紀勤 |
| 恒生銀行副董事長兼行政總裁 | |
| 任期 1998年8月1號－2005年5月25號 | |
| 前任 | 歐肇基 |
| 繼任 | 柯清輝 |
| 香港行政局非官守議員 | |
| 任期 1995年10月17號－1997年6月30號 | |
| 指定 | 彭定康 |
| 香港立法局議員 | |
| 任期 1991年10月9號－1995年7月31號 | |
| 指定 | 衛奕信爵士 |
| 選區 | 港督委任 |
| 個人資料 | |
| 出世 | 1948年7月16號[1][2].svg){kind=small} 英屬香港 |
| 死 | 2022年8月28號（74歲） 香港跑馬地養和醫院 |
| 死因 | 鼻咽癌 |
| 仔女 | 2女 |
| 職業 | 銀行家 |
| 宗教信仰 | 未公開 |
提示：呢篇文講嘅唔係鄭海霞。生平 編輯
鄭海泉1948年生於一個6口之家，係屋企嘅大仔，父母都係賣生果[4]。鄭海泉出咗世後無幾耐患上小兒麻痹症[4]，大個咗之後要用拐杖行路[4]。佢喺1960年畢業於深水埗大南街南英中學（小學部[5]，同屆同學重有已故體育評述員雷禮義[5]）。鄭海泉曾經先後入讀福華街實用中學[6]（1960年至1963年，中一至中三，藍鴻震係佢老師[7][8]）同九龍工業學校（1963年入讀，1965年中五[6]，同前差餉物業估價署署長老興忠同埋新加坡國立大學教授倪亦靖係同班同學[6]），中五畢業後因原校冇開設預科而投身社會[6]，一邊喺律師樓任職文員[6]，一邊獲香樹輝提議到夜校（九龍總商會英文中學）完成中七預科課程[6][9]。當時鄭海泉轉到中華電力公司任職初級文員[9]，後嚟於1969年考入香港中文大學新亞書院經濟學系[9]（二級榮譽甲等[10]，1973年畢業，新亞書院），繼而前往紐西蘭奧克蘭大學修讀經濟學系哲學碩士學位。
佢本嚟於大學畢業後喺香港心光盲人院暨學校工作咗兩年[9][11]，期間認識咗一位紐西蘭嘅盲人[11]，獲對方建議到學費較便宜嘅紐西蘭升學[11]，一圓出國深造嘅想法[11]。喺紐西蘭就學時，鄭海泉曾經因生活拮据而任職洗碗工[12]，其後佢搵到一份人工較高嘅兼職簿記工作，脫離「洗大餅」生活。[13][14]
1978年，鄭海泉加入香港上海滙豐銀行集團財務部，後嚟其主管現居美國嘅胡先生透露一件鮮為人知嘅事，鄭海泉面試職位時，本遜於另一位港大求職者，但鄭海泉幸得一位曾經喺學生會共事嘅中大同學認為鄭海泉該有社會良心，故暗中極力推薦，鄭海泉才得以從此平步青雲；曾經出任首席經濟研究員、經濟及業務策略研究部高級經理、財務主管及總經理等職位。直至1991年10月9號，鄭海泉獲委任為立法局委任議員。1995年，獲委任為滙控集團總經理同香港上海滙豐銀行執行董事，係首位出任該職位嘅華人。港督彭定康亦委任佢為行政局議員。[13][14]
及後於1998年，鄭海泉調任恒生銀行副董事長兼行政總裁。2005年5月接替退休嘅艾爾敦，出任香港上海滙豐銀行有限公司主席，成為滙控集團創立139年來，首位擔任此職務嘅華人，亦係喺滙控集團內職位最高嘅華人。同時，佢亦出任滙控集團常務總監，以及太古公司董事。2007年，滙豐銀行（中國）有限公司成立，鄭海泉出任該行嘅董事長。2008年2月獲委任為滙豐控股有限公司執行董事。2009年7月則獲委任為香港鐵路有限公司獨立非執行董事。至2009年9月，香港中文大學委任鄭海泉為校董會主席，同年10月24號就任。[13][14]
2009年9月25號，滙豐銀行宣佈鄭海泉將卸任香港上海滙豐銀行亞太區主席，但仍然擔任執行董事、滙豐中國董事長兼滙豐台灣區主席。兩年後，即2011年2月25號，滙豐銀行宣佈鄭海泉於同年五月退休。2011年5月28號，鄭海泉正式退任執行董事職務[15]。
逝世 編輯
管理哲學 編輯
鄭海泉喺恒生工作嘅6年半時間裏面，恒生嘅業務穩步發展，股價由1998年嘅30幾蚊猛升至目前嘅100幾蚊港元。鄭海泉嘅管理哲學是視僱員為老闆，提倡下屬評價老闆嘅工作。最令佢自豪嘅係，即使經歷咗香港嘅經濟低谷，恒生喺佢嘅領導下，並冇裁過一個僱員。佢不斷為僱員提供內部培訓，以便佢哋能適應新嘅工作。"Don't live in the past"（「唔好活在過去」）係鄭海泉嘅格言。佢認為即使身為CEO，亦會作出過錯誤決定，最緊要千祈唔好讓呢啲過錯變成絆腳石。
教席 編輯
曾任公職 編輯
- 香港政府中央政策組成員（1989年－1991年）
- 立法局委任議員（1991年－1995年）
- 中華人民共和國港事顧問（1994年－1997年）
- 行政局議員（1995年－1997年）
- 恒生商學書院校董會主席（1998年－2005年）
- 香港特別行政區行政會議成員及立法會議員薪津獨立委員會成員（2002年－2006年）
- 強制性公積金計劃諮詢委員會主席
- 香港工商專業聯會副主席
- 香港芭蕾舞團董事
- 創新科技委員會成員
- 經濟諮詢委員會成員
- 工業及科技發展局成員
- 香港紅十字會顧問團委員
- 香港中文大學校董會主席（2009年－2015年）
- 香港中文大學新亞書院校董（1998年－2022年）
- 衛奕信勳爵文物信託受託人委員會主席（2005年－2007年）
- 香港特別行政區行政會議成員及立法會議員薪津獨立委員會主席（2006年－2012年）
- 期貨事務監察委員會程序覆檢委員會主席
- 證券及期貨事務監察委員會之程序覆檢委員會委員
- 香港特別行政區政府之首長級薪俸及服務條件常務委員會委員
- 香港銀行學會副會長
- 北京市政協委員
- 香港金融管理局土地基金諮詢委員會委員
- 長遠房屋策略諮詢委員會委員
- 選舉委員會（金融界別分組）委員會成員
- 香港公益金名譽副會長
- 中央政策組策略發展委員會成員
- 香港復康會名譽副會長
- 海港商界論壇發言人
獲得榮譽 編輯
參考資料 編輯
- ↑ 孫琬鍾, 編 (1994年). 《中國法律年鑒》. 法律出版社. p. 1105.
- ↑ Who's who of the Asian Pacific Rim. Barons Who's Who. 1998. p. 60.
- ↑ 九龍工業學校 (2000年12月15號). 〈四十周年校慶暨畢業頒獎典禮〉. 喺2022年8月30號搵到.
- ↑ 4.0 4.1 4.2 陳宏 (2011年4月19號). 〈平民大班的香港故事〉. 《天下雜誌 第337期》. 喺2022年8月30號搵到.
- ↑ 5.0 5.1 〈保良局職訓班畢業典禮紀盛 同日舉行畢業典禮者尚有南英中學及五邑子弟學校〉. 華僑日報. 1960年8月3號. p. 14. 喺2022年8月30號搵到.
- ↑ 6.0 6.1 6.2 6.3 6.4 6.5 九龍工業學校 (2001年). 〈細水長流憶九工六十年代 鄭海泉先生 一位在九工沒有上過台領獎的銀行大班〉 (PDF). 喺2022年8月30號搵到.
- ↑ 〈「四朝」校友聚首 分享人生歷練〉. 《香港文匯報》. 2014年4月25號. 原著喺2022年9月20號歸檔. 喺2022年8月30號搵到.
- ↑ 〈藍爺自豪教出兩個鄭大班〉. 《大公網》. 2014年4月25號. 原著喺2022年9月20號歸檔. 喺2022年8月30號搵到.
- ↑ 9.0 9.1 9.2 9.3 〈鄭海泉一二事（左丁山）〉. 《香港蘋果日報》. 2017年9月19號. 喺2022年8月30號搵到.
- ↑ 〈學生抗議 - 左丁山〉. 《香港蘋果日報》. 2010年3月31號. 喺2022年8月30號搵到.
- ↑ 11.0 11.1 11.2 11.3 廖怡景、林正峰 (2006年). 〈香港上海滙豐銀行主席鄭海泉〉. 《商業周刊》.第958號. 英屬蓋曼群島商家庭傳媒有限公司城邦分公司.
- ↑ 〈艱辛歲月 餐館洗碗 儲錢讀碩士〉. 《香港蘋果日報》. 2011年5月24號. 喺2022年8月30號搵到.
- ↑ 13.0 13.1 13.2 〈滙控前執董鄭海泉辭世 滙豐史上首位華人主席 享年74歲〉. 《香港01》. 2022年8月29號. 喺2022年8月29號搵到.
- ↑ 14.0 14.1 14.2 〈【鄭海泉離世】滙豐前大班鄭海泉是獅子山下的成功故事 幼時水果攤做功課、居深水埗舊樓 「往往謙稱自己幸運」〉. 《香港經濟日報》. 2022年8月29號. 喺2022年8月29號搵到.
- ↑ 劉美儀，"滙豐首位華人大班榮休 鄭海泉話當年「俾浦偉士鬧 仍敬愛他」" 互聯網檔案館嘅歸檔，歸檔日期2017年11月7號，.，香港蘋果日報，2011年5月24號
- ↑ 〈據報匯豐前亞太區主席鄭海泉昨晚離世〉 (中文). 明報. 2022年8月29號. 喺2022年8月29號搵到.
- ↑ 〈鄭海泉逝世 李家超讚多領域貢獻 陳茂波不捨中大師兄：後輩榜樣〉. 《香港01》. 2022年8月29號. 喺2022年8月30號搵到.
出面網頁 編輯
- 〈香港特別行政區立法會 - 議員資料庫〉 (繁體中文). 香港特別行政區立法會.
- 積極開拓內地市場 滙豐銀行任命首位華人主席
- 榮譽香港中文大學社會科學博士鄭海泉先生讚辭 Wayback Machine嘅版面存檔備份
- 香港金管局鄭海泉簡歷 Archived 2011-01-05 at WebCite