「銀杏」跳轉到呢度。想搵熱帶氣旋，請睇「
颱風銀杏」。
白果（粵拼：baak6 gwo2；學名：Ginkgo biloba）；又叫銀杏（ngan4 hang6）或公孫樹（gung1 syun1 syu6）；佢係銀杏科銀杏屬嘅落葉喬木，原產地喺中華人民共和國嘅浙江地區[4]，而家喺大多數出名嘅山內古跡嗰度可以搵到佢。呢種植物重係世界上最古老嘅孑遺植物。
 How to read a taxobox白果
化石年代：早始新世－而家[1][2]
|
|
| 瀕危指標
|
|
|
| 物種分類
|
| 域(Domain):
|
真核域 Eukarya
|
| 界
|
植物界 Plantae
|
| 門(Divisio):
|
銀杏門 Ginkgophyta
|
| 綱
|
銀杏綱 Ginkgoopsida
|
| 目
|
銀杏目 Ginkgoales
|
| 科
|
銀杏科 Ginkgoaceae
|
| 屬
|
銀杏屬 Ginkgo
|
| 種
|
白果 G. biloba
|
|
| 二元學名
|
Ginkgo biloba
L.
|
呢樖嘢因為樹上結出咗好多圓轆轆嘅核，所以「白果」嘅名就係噉嚟。
白果嘅樹樣就比較高大典雅，一般有25——40米高，胸徑有4米；而樖樹嘅樹皮方面，喺細樖嗰時係淺灰色，表面比較光滑；喺大樖嗰時係暗啡色，表面比較粗糙，有冇規律嘅裂紋響度。而樹枝方面，有長枝同鋸狀短枝。有稍微瘦啲嘅樹冠，另外，椏同枝都係冇固定嘅品種。而佢嘅葉堆就比較怪，好似把紙扇噉，一有風吹埋嚟就喺度猛咁飄；而單純一柄樹葉，佢後邊係冇腹嘅，上邊有好多平行兼分咗叉嘅葉脈響度，而葉色方面，春天係淺綠色、夏天係翠綠色，秋天係黃色而落葉，冬天係冇葉。而佢啲花係公乸唔同樹，其中花公嘅花粉係螺旋形，自己識喐；而花乸係唔會出現呢種情況。一般喺每年4月出葉同開花。重有啲樹上邊生咗好多圓轆轆到似個波噉嘅核出嚟，熟咗嗰時嘅核皮係肉質帶有油脂、芳香同氰酸呢啲有毒物質嘅杏黃色品種。而佢嘅籽中間部分嗰埐嘅皮係白色，好似啲骨膠原噉，有2——3條打掂嘅脊響度。而籽最入邊嗰埐嘅皮係紅色，好似啲坯乳噉。而佢一般喺每年10月份出果。
呢種植物係深根性嘅樹種，鍾意喺有陽光嗰度生同深厚比較肥又濕嘅酸性或中性泥嗰度生，而且佢比較禁（kam1）旱同濕，但係唔禁（kam1）好似威尼斯噉周街都係水嘅景同乾旱好周街都係爛地嘅土同埋堿性地。萌芽力强，由於佢嘅發芽能力比較犀利，佢比較禁（kam1）俾人剪。嘅生長速度方面，都生得好慢吓，一般喺祖輩嗰代開始種呢樖嘢嗰陣，到佢嘅孫仔嗰代先至有果出。
白果除咗可以用嚟煲腐竹同糖水之外，佢嘅葉同核皮可以用嚟做土製農藥，用嚟專門整蠱啲農田嘅害蟲。而葉重可以用嚟做書籤都得。佢啲木可以用嚟做建築材料，另外喺藥用方面，佢嘅果可以做藥，專門醫哮喘同肺病呢啲病。另外，白果喺開花時節，重可以用嚟做蜜源嘅原料，因為嗰時有好多蜜蜂專門嚟嗰頭。另外，佢重可以抵抗到SO2、O3同烟塵，又可以吸收好多種毒氣，可以用嚟做城市嘅綠化植物[5]。
白果之所以係世界上其中一種最古老嘅樹，其實早喺兩億七千幾萬年前，白果同嗰時話「成個地球我大嗮」嘅恐龍一樣，分佈喺全球各地。喺冰川運動時期，絕大多數嘅白果同恐龍一齊死嗮，凈係喺中國內地部分地區保存咗落嚟，而且都唔多，但係佢一直可以流傳到而家而變成稀世之寶，所以「最古老嘅樹」會有佢份。
廣東人會用「食白果」比喻白做、無任何收穫[6]。「白果」係乜，大多數都會係呢篇所指嘅果，不過有人認為「白果」係雞蛋[7]，不過係銀杏定雞蛋，都解唔到「白做」嘅喻意。
 樣 | 樣 |
 樹幹嘅紋理 | 樹幹嘅紋理 |
 葉同果 | 葉同果 |
 綠葉嗰時 | 綠葉嗰時 |
 黃葉嗰時 | 黃葉嗰時 |
 果 | 果 |
|
「銀杏」跳轉到呢度。想搵熱帶氣旋，請睇「颱風銀杏」。
