鎖國 (日本)

鎖國係日本江戶時代一個外交政策,1639年開始實施。基督教國家嘅人唔畀入境,而日本人亦唔畀去東南亞嗰邊。呢段時期日本淨係同大朝鮮國同埋琉球國維持外交關係,同中國(大明大清)同埋荷蘭(荷蘭東印度公司)就維持通商。

鎖國政策推行期間,多次有外國人派船去日本要求交流都被拒絕。1853年中同埋1854年初,美國海軍準將馬修培理兩次率領艦隊去日本(黑船來航),1854年3月31號幕府同美國簽《神奈川條約》,結束鎖國。