鉎

鉎（粵拼：sing³），而家多數叫鏽（或者寫做銹），係指金屬（尤其係鐵）嘅氧化物。鐵鉎呈啡紅色，因為鐵喺潮濕環境同空氣嘅氧產生化學反應而成。唔同情況下會形成唔同形式嘅鉎。^[1]鉎主要由三氧化二鐵水合物Fe₂O₃·nH₂O同氫氧化鐵（FeO(OH), Fe(OH)₃）組成。其他金屬亦都會被氧化，但係通常唔叫做「鉎」。如果畀足時間，有充足氧氣同水嘅情況下，鐵就會完全氧化成鉎。鋁嘅氧化好慢，因為氧氣會喺鋁嘅表面形成一層緻密嘅氧化鋁薄膜，呢個反應叫做鈍化。