閘機

閘機（turnstile）係一種簡單嘅機械，喺車站同遊樂園入口等嘅地方成日見到嘅機械，通常到大人嘅腰咁高，用途係要確保啲人要俾錢先至可以通過；一部基本嘅閘機會有：

• 兩個狀態－「鎖咗」（locked；$s_{0}$）同「開咗」（unlocked；$s_{1}$），當中前者係初始狀態；
• 喺「鎖咗」嘅狀態下，部閘機嘅柄喺鎖死咗郁唔到嘅，但一旦有人俾咗「入銀仔」嘅輸入（${\text{coin}}$），部閘機會轉換成「開咗」嘅狀態（$s_{0}\times {\text{coin}}\rightarrow s_{1}$）；
• 喺「開咗」嘅狀態下，部閘機嘅柄轉得郁，而如果啲柄俾人推到轉咗一個圈（${\text{push}}$），部閘機會返去「鎖咗」嘅狀態（$s_{1}\times {\text{push}}\rightarrow s_{0}$）；
• 喺「鎖咗」嘅狀態下，部閘機嘅柄俾人點推都唔會郁，狀態會不變（$s_{0}\times {\text{push}}\rightarrow s_{0}$）；
• 喺「開咗」嘅狀態下，就算有人入銀仔，狀態依然會不變（$s_{1}\times {\text{coin}}\rightarrow s_{1}$）；

幾部並排嘅閘機；閘機係一種簡單嘅有限狀態機，得兩個可能狀態－「鎖咗」同埋（因為有人入咗錢）「開咗」。

如果將上述講嘅嘢畫成理想化嘅圖解（狀態圖）嘅話如下：

歷史

閘門最早嘅用途同牧場上嘅樓梯式圍籬（stile）相同，只可以等人類穿越，防止羊群或者其他牲畜通過。第一個用現代方式運用閘門嘅人係克雷倫斯‧桑德斯（Clarence Saunders），佢將閘門放喺自己開設嘅超市入口位。