阿拉貢王國

阿拉貢王國（西班牙話：Reino de Aragón）係1035年－1707年時伊比利半島東北部阿拉貢地區嘅封建王國。阿拉貢位於西班牙東北部，因阿拉貢河而得名。

王國位置

國旗

盾徽

史

9世紀，法蘭克人驅逐呢度嘅阿拉伯勢力，建立阿拉貢伯爵領。925年併入納瓦拉王國。中世紀時係伊比利亞半島上主要嘅基督教國家之一。1035年納瓦拉王國國王桑喬三世死後，拉米羅攞到阿拉貢，成為獨立王國，叫拉米羅一世。1104年阿方索一世上位，王國嘅疆界向南擴展，到西班牙南部嘅格拉納達。1137年拉米羅二世將佢個女同巴塞隆拿伯爵拉蒙貝倫格爾四世聯姻，導致阿拉貢同加泰隆尼亞合併。1229年海梅一世進佔馬約卡島。冇耐又征服華倫西亞。1276年佩德羅三世繼位後征服咗西西里同撒丁島，阿拉貢王國成為地中海嘅強國。1416至1458年阿方索五世在位時，阿拉貢王國征服咗那不勒斯，王國擴大到去意大利。