陳惠達

陳惠達（英文：Chan Wai Tat，1980年4月29號—），係香港新民主同盟成員，北區區議會華明選區前任議員，由2016年做到2021年。

早喺2003年，佢曾經代表民主黨參選第2屆香港區議會選舉嘅觀塘區入面嘅油塘西選區，當時佢輸畀呂東孩，2010年，因為唔滿意民主黨喺香港2012年政改方案嘅立場，而退出民主黨，轉投新同盟。

2015年第5屆香港區議會選舉，佢參選北區華明選區，以2660票打贏時任區議員賴心，四年後亦喺同一選區成功冧莊，2021年7月頭宣布劈炮，唔撈區議員一職。