開主選單

陳香梅粵拼can4 hoeng1 mui4英文Anna Chennault1923年6月23號2018年3月30號)係美國華裔嘅政治人,美國志願援華航空隊(飛虎隊)指揮官陳納德將軍嘅遺孀、共和黨派人士,祖籍廣東南海,喺中華民國北平出世。識講粵語。

1944年,陳去咗中華民國中央社昆明分社做外語記者,成咗中央社第一位女記者,呢年仲喺嶺南大學攞埋文學士(主修中文)學位。

1947年,陳同陳納德拉埋天窗。

二戰結束後,佢同陳納德一齊喺美國定居,做咗「中國遊說團」(China Lobby)嘅領軍人物,試過極力游說華府支持蔣介石臺灣成立反共政府。1963年俾嗰時總統約翰甘迺迪邀請,成為第一位入白宮做嘢嘅華人。期間亦攞到國際學士院終身榮譽院士同埋做過美國國際合作委員會主席、世界和平大會榮譽主席等席位。

1992年以來,陳香梅試過連續幾年來廣州參加教師節活動同捐助慰問金,仲邀請過廣州市教師代表團到美國、加拿大等地考察。佢喺廣州等12個城市設立埋陳香梅教育基金會,有廣州教育基金會理事、廣州真光中學名譽校長等銜頭[1]

2018年3月30號,佢因中風出現嘅併發症,喺美國華盛頓特區過身,享壽94歲。

家庭