韌體(firmware),係一種嵌入喺硬體裝置中嘅軟體。通常佢喺特殊應用積體電路(ASIC)或者可程式邏輯裝置(PLD)之中嘅快閃記憶體或者EEPROM或者PROM入面,有啲可以俾使用者更新。可以應用喺廣泛嘅電子產品入面,由遙控器、計數機去到電腦鍵盤硬盤,甚至工業機械人入面都可以見到佢嘅身影。

電視機遙控器係硬件包有韌體嘅例。韌體監視啲掣,控制 LED,並處理啲掣嘅操作,向電視機發出數據。實際上,電視嘅主板亦都有複雜嘅韌體。

顧名思義,韌體嘅所在係位於軟件同硬件之間嘅。好似軟體一樣,佢係一個俾電腦執行嘅程式。但係佢對於硬體嚟講係更加貼近同更加重要嘅部份,而對於外在嘅世界嚟講冇乜重要意義。

睇埋 編輯