韓江

韓江係中國東南部嘅一條河，條河主要係喺粵東地區，幹流從廣東省紫金縣梅江發源地至廣東省汕頭市澄海 . 區東溪出海口，全長470公里。

韓江 Hán Jiāng
從潮州市望過對面嘅韓江
名	韩江
位置
國家	中國
省	廣東、福建、江西
城市	梅州、潮州、汕頭
特徵
源頭	七星崬（梅江）
• 地點	河源市紫金縣
河口	南中國海
• 地點	汕頭
長度	410 公里 (250 英里)
流域	30,112 平方公里 (11,626 平方英里)
流量
• 平均	870 m3/s (31,000 cu ft/s)
• 最少	33 m3/s (1,200 cu ft/s)
• 最多	13,300 m3/s (470,000 cu ft/s)

流域

韓江嘅上游分別係發源喺紫金縣東南嘅梅江，發源喺閩西嘅汀江，同埋發源係閩南嘅梅潭河。呢三條支流嘅上游喺大埔縣嘅三河壩鎮境內交匯，形成咗韓江，然後向南流經潮州之後，韓江分為北溪（東里河）、東溪（蓮陽河）、西溪三汊，西溪喺旦家園村附近又再分成梅溪、新津河、外砂河入海。韓江流域集水面積大過100平方公里嘅各級支流共有53條。喺廣東省境內流域面積大過1000平方公里嘅河流有五華河、寧江、石窟河、汀江、梅潭河等。

韓江係廣東省嘅第二大水系，流域包括廣東、福建、江西三個省嘅22個縣市，流域面積達到30112平方公里，當中70% 係喺廣東省嘅境內。其中汀江流域面積係11802平方公里，梅河流域面積係13929平方公里，三河壩至潮安水文站之間嘅流域面積係3346 km2，潮安以下（韓江三角洲）係1035平方公里。韓江水量豐沛，雖然流域面積只係淮河嘅18 % ，但水量就相當於淮河嘅85 % 。

歷史

呢條河係以唐代作家、詩人、政府官員韓愈嘅名嚟命名，韓江喺唐朝之前曾經因為鱷魚之禍而被稱為惡溪或鱷溪，後來韓愈被貶潮州時消滅咗河裡面嘅鱷魚，當地百姓為咗紀念韓愈嘅貢獻，所以將呢條河改名做「韓江」。

畫廊

明代嘅澄海縣圖，亦有提及韓江三角洲同埋河口 明代嘅澄海縣圖，亦有提及韓江三角洲同埋河口  梅州梅河夜景 梅州梅河夜景  韓江嘅廣濟橋 韓江嘅廣濟橋  喺韓愈廟遠望韓江、廣濟橋，同埋潮州市。 喺韓愈廟遠望韓江、廣濟橋，同埋潮州市。  韓江上面嘅廣濟橋 韓江上面嘅廣濟橋

參考

[[Category:有中文嘅文章]] [[Category:維基數據度無OSM關係ID嘅Infobox mapframe]]