開主選單

香清粵拼hoeng1 cing1越南文Hương Thanh1960年—),係位越南西貢出世嘅歌手,而家生活喺法國,譽爲「越南民歌古樂喺歐洲嘅使者」(使者樂古吧民歌越南在歐洲sứ giả nhạc cổ và dân ca Việt Nam tại Âu Châu[1]。佢自細喺有古樂傳統嘅家庭中大,所以佢唱古傳音樂同改良劇。佢嘅名畀好多歐洲聽眾知道,佢唱嘅越南民歌會搭古樂配器,重會搭埋爵士樂[2]

香清
Hương Thanh
Flickr - dalbera - Huong Thanh Trio, (musée Guimet, Paris) (8).jpg
藝人或藝術家
國籍  法國
民族 京族
出世 1960年
 越南西貢
職業 歌手

直到今日,佢係第一位、亦係唯一嘅越南歌手攞到世界音樂最高獎項,喺2007年,法國電臺「法國音樂」(France Musique)頒世界音樂獎(Musique du monde)畀佢。而家佢仲行喺自己條路,將越南音樂帶去亞洲、歐洲、非洲國家嘅聽衆。

生平

香清出生喺西貢,係個傳統藝人家庭。佢嘅老豆叫友福,係有名嘅改良劇藝人。10歲時,香清開始學改良劇同民歌。佢屋企嘅空間從來唔缺各路藝人演員,佢哋聚喺佢屋企,呢啲藝人就成咗佢細個時自發嘅教員。自13歲開始,喺學校讀書之外,佢又從樂家維慶保秋學新音樂,從樂家小中(Út Trong)學古樂(小中亦係啲出名藝人嘅老師,如青蛾),從藝人春發學話劇。佢第一次上臺出演時係16歲[3]

自從1977年跟住老豆屋企定居喺法國,佢就參加好多歐洲國家嘅越南僑民當中嘅改良劇表演,如德國、法國、瑞士、比利時,同好多當地出名藝人合作,包括佢老豆。每次佢返越南,佢都會同國內嘅出名歌手一齊演唱。1995年佢遇到咗藝人元黎(Nguyên Lê),元黎介紹佢入爵士樂嘅世界,呢類音樂係佢未曾學過嘅。計劃《越南故事》(Tales from Viet Nam)開始咗佢嘅音樂旅程,佢喺音樂會中演出好多歌,諸如喺法國、奧地利、瑞士、意大利、葡萄牙、英國。1996年,呢個計劃嘅唱碟出版發行。呢張碟收穫咗全世界各評論家嘅讚賞:獲得金音叉獎(Diapason d'Or)、雜誌《音樂世界》(Monde de la Musique)嘅好評、1996年雜誌《爵士嘢》(Jazzthing,德國)嘅好評、TRS電臺1996年年度CD(瑞士)、雜誌《爵士時間》(Jazztimes,美國)評話係「近乎傑作」。

1996年,喺巴黎藍色郊區音樂節(Banlieues Bleues),香清參加入活動「De la Lune et du Vent」(月與風),當中有越南當代同傳統舞蹈來配合《越南故事》嘅歌。唔止唱歌,佢仲舞劍,扮徵側徵二反抗外侵。就喺嗰年,香清受邀同五大洲嘅藝人一齊參加UNESCO人權宣言嘅50週年紀念演出。1998年,佢有份參加唱歌喺元黎嘅碟《馬格里布同班朋友》(Maghreb & friends),呢個係阿爾及利亞音樂人卡廉·士押(Karim Ziad)嘅作品。

1999年,德國唱碟廠牌ACT Music邀佢合作,完成佢第一張專輯《月與風》(Moon and Wind),由元黎錄音、製作。佢得到評論家伊恩·安德臣(Ian Anderson;英國)喺雜誌fRoots畀佢嘅特別讚賞(「This woman has a voice that melts glaciers and make deserts bloom with roses」,譯:呢個女人嘅歌聲能夠融化冰川,令沙漠開滿玫瑰)。之後接住幾年合作啲專輯,有《蜻蜓》(Dragonfly)、《山竹》(Mangustao)、《脆弱美人》(Fragile Beauty),收穫咗好多成功、大獎、好評。參加完成呢啲專輯嘅,除咗藝人元黎外,仲有好多國際知名嘅藝人,如保羅·弗利素(Paolo Fresu,意大利)、利紐德·加斯亞·方斯(Renaud Garcia Fons,西班牙)、卡廉·士押(Karim Ziad,阿爾及利亞)、希沙·波拿(Richard Bona,喀麥隆)、米雪·亞利波(Michel Alibo,馬提尼克)、乍非·瑤斯夫(ظافر يوسف,突尼斯)、方素華·韋利(François Verly,法國)等。

2007年,佢攞得法國電臺法國音樂嘅最高獎項世界音樂獎(Prix Musiques du Monde)。得獎之後,佢返越南製作改良劇專輯《改良劇音樂》(Musique du Théâtre Cai LuongCai Luong Music),由唱碟廠牌柯裘夏出版,同南越南一啲出名古樂藝人合作。對佢來講,呢個係場返到屋企改良劇嘅行程,而佢離開咗呢個藝術源泉幾耐。

2008年,佢想將佢唱嘅越南民歌同鄰近國家嘅音樂結合。佢請咗啲人來參加製作專輯,有彈日本箏嘅日本女藝人宮崎美枝子、拉二胡嘅中國男藝人果敢,於是香清成立樂團亞洲色彩(Asian Colors)。佢哋三個藝人組成嘅樂團收穫咗好多成功,喺法國同其他歐洲國參加咗好多音樂會:尼美根嘅Music Meeting Festival(荷蘭)、Festival des Nuits AtypiquesFestival des Chants Polyphoniques(法國)、Murcia(西班牙)、布拉迪斯拉發嘅Pohoda Festival(斯洛伐克)、Colours of Ostrava(捷克)等。

2009年,佢整咗張越南純粹民歌專輯《夢之樹》(L'Arbre aux RêvesTree of dreams),共國內嘅音樂人製作。呢隻碟發行喺2011年,由Buda Musique同法國寰球音樂發行,得到刊物《音樂雜誌》(ミュージック・マガジン,日本)評價做年度十大專輯之一。

2013年,佢成立咗樂團琴棋詩畫(Camkytiwa),成員識咗幾年,有4位女藝人:李貞珠(E'Jeoung Ju,韓國)、日原史繪(日本)、李豔(中國)同香清(越南),碟《琴棋詩畫,東方之花》(Camkytiwa, les Fleurs du LevantCamkytiwa, Flowers of Levant)出咗世,呢個樂團唱啲越南民歌,帶埋鄰近各國嘅樂器和音。樂團巡演過好多城市,如法國嘅拉維勒調布華(La Ville-du-Bois)、鶯治勒(Andilly)、舍希本(Serbonnes)、治夏美(Gérardmer)、芒斯特(Munster)、契舍希堡(Kaysersberg)……瑞典哥德堡嘅吉蘭地斯鐵挪(Clandestino)音樂節,美國加州嘅三藩市、橙縣,越南胡志明市……同時亦唱喺電臺法國音樂。

即管佢仲繼續喺結合越南音樂同國際音樂嘅道路上漂流,佢亦無忘記將戲曲藝術、民歌、越南古傳音樂介紹畀國際聽衆。2013年,佢同法國吉美東亞藝術博物館合作,介紹越南改良劇藝術畀法國同國際觀衆,搞個項目「夜鼓」(Tambour dans la nuit),有女藝人玉朝(Ngọc Giàu)嘅特別參加,以及好多越南藝人。佢哋喺博物館演出,演廳無足夠埞方滿足觀衆嘅需求。

2014年,佢合作做項目「竹同絲」(De Bambou et de Soie),介紹外國觀衆探尋越南三大地區嘅古傳音樂寶藏,如歌籌眈歌掉劇朝文才子樂順化歌、胡調、李調,喺法國吉美博物館。呢件事有好多越南有名嘅傳統藝術家參加,啲表演好成功,喺啲人心目中留低美嘅印象。

2016年,佢受邀參加入DJ糯地(Nodey)嘅專輯製作。

2017年頭,同法國爵士指揮、藝人方吉·托鐵瑤(Franck Tortiller)工作,香清回歸爵士樂。專輯《西貢,西貢》(Sài Gòn, Saïgon),包括啲創作喺1930~1950年代嘅作品、同埋香清嘅新創作,已經製作、出版。

得獎

2007年,香清攞到獎,法國電臺法國音樂嘅世界音樂獎[4][5]

唱片

越南音樂同傳統樂

  • 《三人傳》(傳𠀧𠊛/Chuyện ba người),1995
  • 《傷心電影》(傳柉𢞂/Chuyện phim buồn),1996
  • 《緣份如雲》(緣咱如𩄲/Duyên ta như mây),1996
  • 《絲緣》(絲緣/Tơ duyên),1996
  • 《你點解咁快嫁人》(哰㛪𡝖𫑒𥙩𨤯/Sao em nỡ vội lấy chồng),1998
  • 《越南:改良劇音樂》(Viet Nam: Musique du théâtre Cai Luong),Ocora,2008
  • 《夢之樹》(L'Arbre au Rêves),Buda Musique / Universal Music France,2011

爵士同世界音樂

  • 《月與風》(Moon and Wind),ACT Music,1999
  • 《蜻蜓》(Dragonfly),ACT Music,2001
  • 《山竹》(Mangustao),ACT Music,2004
  • 《脆弱美人》(Fragile Beauty),ACT Music,2007
  • 《琴棋詩畫:東方之花》(Camkytiwa: Les fleurs du levant),Buda Musique / Universal France,2013
  • 《西貢,西貢》(Sài Gòn, Saïgon),Buda Musique / Universal France,2017

參與

  • 《越南故事》(Tales from Vietnam),元黎(Nguyên Lê),ACT Music,1996
  • 《馬格里布同班朋友》(Magreb and Friends),元黎,ACT Music,1998
  • 《鼓舞西貢》(Saigon Inspiring),林博(Limborg),Terra Humana,2006
  • 《查理·達爾文》(Charles Darwin),十二阿方索(XII Alfonso),2012
  • 《百萬粒星》(A Million Stars),基·烈斯拿(Geir Lysne),ACT Music,2014
  • 《維拿聲音》(Vinasounds Vol.1 EP),糯地(Nodey),Modulor,2016

選集

  • 《嘈雜世界嘅魔力》(More Magic In A Noisy World),ACT Music,1997
  • 《魔法時刻:ACT世界爵士大選輯,第四輯》(Magic Moments: The Ultimate ACT World Jazz Anthology, Volume IV),ACT Music,2000
  • fRoots N°14》,Folk Roots,2000
  • 《香氣:巴巴拉咖啡》(Arôme: Barbara Bui Cafe),Wagram Music,2001
  • 《寰球魔力:ACT世界爵士大選輯,第五輯》(Global Magic: The Ultimate ACT World Jazz Anthology, Volume V),ACT Music,2001
  • 《世界2001》(World 2001),Virgin,2001
  • 《東亞旅行錄》(East Asia Travelogue),Travelogue,2002
  • 《曼威,第二輯》(Man Ray, Volume 2),Universal Licensing Music (ULM),Milan Records,2002
  • 《小佛咖啡廳》(Little Buddha Cafe (DJ Sam-Popat)),George V Records,2002
  • 《藍色星球,第二輯》(La Planète Bleue, Volume 2),Wagram Music,2003
  • 《魔幻聲音》(Magic Voices),ACT Music,2003
  • 《FIP世界音樂選輯,第一輯》(FIP Selection Musiques du Monde Vol.1),FIP,2003
  • 《魔法時刻2:ACT世界爵士大選輯,第六輯》(Magic Moments 2: The Ultimate ACT World Jazz Anthology, Volume VI), ACT Music,2004
  • 《GEO【世界】》(GEO [World]),EMI Music,2004
  • 《亞洲花園:亞洲世界》(Asian Garden: The World of Asian Grooves),Soulstar,2004
  • 《閨閣秘密,第一輯》(Harem's Secret, Volume 1),Soulstar,2004
  • 《遠東精選》(The Very Best of The Far East),Nascente,2004
  • 《魔法時刻:三碟裝》(Magic Moments: 3 CD Box),ACT Music,2005
  • 《西貢時差》(Jet Lag Inspiring Saigon),Believe,2006
  • 《ACT:魔幻15年,1992~2007》(ACT: 15 Magic Years 1992-2007),ACT Music,2007
  • 《越南音樂粗略指南》(The Rough Guide to the Music of Vietnam),World Music Network,2007
  • 《Songlines:世界頂級48》(Songlines: Top of the World 48),Songlines,2007
  • 《巴黎休憩7:休息室,秘密花園之王》(Chill Out in Paris 7: Kings of Lounge, the Secret Garden),Stefano Cecchi Records,2008
  • 《世界女聲》(Divas du monde),RCA Victor,2008
  • 《Songlines:世界音樂精彩時刻》(Songlines: Great Moments in World Music),Songlines,2008
  • 《超級俱樂部》(Supperclub Presents Nomads 6),United Recordings,2009

出面網頁

參攷

  1. "Nghệ sĩ Hương Thanh: Sứ giả nhạc cổ và dân ca Việt Nam tại Châu Âu/藝士香清:使者樂古吧民歌越南在歐洲[[Category:有非粵文內容嘅文章]](粵譯:藝人香清:越南古樂民歌喺歐洲嘅使者)". 越南之聲 (用越南文寫). 2015年7月21號. 喺2017年11月13號搵到.  templatestyles stripmarker in |title= at position 1 (詳情); 喺網址標題道寫咗內部連結 (詳情)
  2. "Em gái Hương Lan làm show hát dân ca/㛪𡛔香蘭爫𢫘喝民歌[[Category:有非粵文內容嘅文章]](粵譯:細妹香蘭做騷唱民歌)". VNexpress (用越南文寫). 2011年5月7號. 喺2017年11月13號搵到.  templatestyles stripmarker in |title= at position 1 (詳情); 喺網址標題道寫咗內部連結 (詳情)
  3. "Nghệ sĩ Hương Thanh: Trọng lời ca, yêu nhịp phách/藝士香清:重𠳒歌、𢞅𠿚拍[[Category:有非粵文內容嘅文章]](粵譯:藝人香清:重歌詞,愛節拍)". doanhnhansaigon.vn (用越南文寫). 2015年7月21號. (原先內容喺2016年2月27號歸檔). 喺2017年11月13號搵到.  templatestyles stripmarker in |title= at position 1 (詳情); 喺網址標題道寫咗內部連結 (詳情)
  4. "Présentation du Duo Huong Thanh - Jason Carter (Vietnamien)" (PDF). Upskill.vn (用英文寫). 喺2017年11月13號搵到. 
  5. "Giọng hát Hương Thanh với dân ca có âm hưởng jazz/喠喝香清𢭲民歌𣎏音響嘉夷[[Category:有非粵文內容嘅文章]](粵譯:香清唱嘅民歌有爵士音響)". 越南之聲 (用越南文寫). 2017年6月13號. 喺2017年11月13號搵到.  templatestyles stripmarker in |title= at position 1 (詳情); 喺網址標題道寫咗內部連結 (詳情)