香港歷史檔案大樓

香港歷史檔案大樓香港政府檔案處管嘅博物館,喺觀塘翠屏道,1997年6月19號開張。

香港歷史檔案大樓

大樓喺1996年1月動工,1997年6月落成。樓高11層,實用面積約3200平方米。最低3層闢作對外服務,設施包括閱覽室、參考圖書館、訪客休息室、演講廳、展覽廳同售賣部。往上兩層,4樓同5樓,係辦公室,以及接收、鑒定同整理唔同載體檔案嘅工作地方。6樓同11樓係檔案保護同縮微膠片攝製嘅工作室、實驗室同文件消毒室。歷史檔案處安裝咗氮氣文件消毒系統,比起一般使用毒氣嘅消毒系統,更加符合職業安全同環境保護嘅要求。7至10樓係檔案庫,採取分隔密閉式設計,輔以溫濕調適設施,用來貯存紙檔案、縮微膠片、相片同電子檔案等各種載體嘅檔案。

所有閱覽室嘅窗都裝隔濾玻璃。大樓內嘅檔案庫建築採用無窗同厚牆嘅設計,以隔絕外來環境因素對檔案產生嘅不良影響。檔案大樓仲裝咗一套24小時持續運作嘅精密空氣調節與處理系統。呢套系統可以因應檔案庫內各種檔案嘅特殊貯存條件,維持一個穩定嘅溫度相對濕度標準,並過濾超過95%嘅大氣塵埃粒子同其他污染物。

所有檔案庫都起咗耐火4個鐘嘅牆同大門。除咗煙霧同熱能感應器之外,每個檔案庫仲裝咗獨立嘅自動氣體噴灑器。呢套氣體滅火系統用無毒嘅七氟丙烷氣作為滅火嘅媒介。燈光照明系統以盡量減少紫外光影響檔案為原則去設計。所有閱覽室同大樓其他設施,亦有一套中央電腦系統24小時監察。[1]

參考 編輯

  1. 香港歷史檔案處 (1997-07-15). (PDF). . 香港: 香港科技大學華南研究中心 (8). ISSN 1990-9020. 喺2018-12-07搵到.

座標: 22°18′45″N 114°13′46″E / 22.3125°N 114.2295°E / 22.3125; 114.2295