香港泛民主派-民政事務總署矛盾爭議

香港民主派-民政事務總署矛盾爭議,係指2020年起,好多泛民主派區議員都表示佢哋嘅地區工作遭受民政事務總署(簡稱民政署)打壓,或者喺唔同問題,被民政署刻意矮化。

背景 編輯

喺2019年,香港陷入逃犯條例修訂草案風波,去到6月更加出現近200萬人上街反對嘅局面。親中陣營由於一直支持修訂,所以喺同年嘅香港區議會選舉入面,選情受到極大困擾,最終泛民主派取得大勝,取得全港86%嘅直選議席(388席)同埋17個區議會嘅主導權。

爭議事例 編輯

雙方嘅爭議涉及撥款被拖延,會議室安排,武漢肺炎口罩派發安排,民政事務專員指控區議員越權,拒絕提供秘書支援,公職人員喺會議期間離場等。而被指越權嘅議題除咗警察執法嘅行動外,仲包括唔少民生事項,例如最低工資檢討、明日大嶼等。[1]有議員批評,民政事務總署嘅安排對落選親中陣營有偏幫之嫌。

區議會會議室爭議 編輯

喺2020年2月,政府因應武漢肺炎暫停開會兩星期,灣仔區議會另覓場地開會,但民政事務署事後拒絕發還租用場地嘅租金。灣仔區議會主席楊雪盈入稟小額錢債審裁署追討,並表示《區議會條例》無列明會議要喺區議會會議室舉行。[2]

2020年11月,沙田民政事務署喺未有同區議會商量嘅情況之下,將沙田區議會會議室變做「民政署會議室」。沙田政府合署大樓嘅水牌,本來印上「沙田區議會會議室」嘅部分亦被遮蓋。沙田區議會主席程張迎話嗰個會議室喺2002年起已稱為「沙田區議會會議室」,設計亦係為區議會開會而設,黃文萱批評呢個做法係矮化區議會,蔑視民意代表。劉穎匡喺社交媒體提及呢件事,批評政府擅自改名係極其幼稚嘅宣示主權行為。沙田區政表示,呢個舉動係「妄自竄改」,要求交代咩人做呢個決定。[2][3]

武肺疫症期間爭議 編輯

武肺疫症期間,有好多泛民主派區議員都想做一啲地區防疫工作,但都分別同當區地區民政署出現爭議,甚至有非政府組織想幫區議會購買口罩,都畀民政專員以該組織綜合大樓嘅申請作為籌碼,『勸喻』佢哋諗清楚。[4]

喺2020年12月,民政署曾經發表聲明,話民政署同區議會嘅合作關係被惡意渲染,聲稱無意圖打壓區議會,全力支援地區抗疫撥款嘅申請。去到19號,18區泛民主派聯絡會議召開記者會,批評署方聲明多署嚴重失實、避重就輕,意圖誤導公眾。沙田區議會副主席黃學禮話,佢哋嗰區冇議員收過民政署嘅口罩,自己仲收到署方嘅信件,表明拒絕支援區議會購買口罩,因為市面已有供應,政府亦有派發。黃學禮批評,署方政治掛帥、拒絕合作,為打壓區議會連防疫同埋市民嘅安全都唔理。離島區議員梁國豪亦批評,民政署將口罩率先分發畀親政府組織,同埋由落選親中派組成嘅分區委員會,質疑政府係要誤導市民區議會唔做民生工作。東區區議會副主席趙家賢就指責,政府只容許官府派發防疫物資,但係唔准區議會舉行防疫活動。另外,黃偉賢楊雪盈亦指,就連佢哋會議議程傾要買口罩,只係民生議題,都被政府用唔同方式阻撓。[5][4]

參考 編輯

  1. 羅家晴 (2020-11-23). 選一年|民主派:逾2000萬撥款遭拖延 公職人員離場89次. 港01 (香港中文). 喺2020-12-21搵到.
  2. 2.0 2.1 翟睿敏 (2020-11-10). 田區議會會議室突消失 變政署會議室 民主派斥矮化. 港01 (香港中文). 喺2020-12-21搵到.
  3. 田區議會會議室被改稱政署會議室 區會主席斥 民政職員:撥亂反正 | 立場報道 | 立場新聞. 場新聞 Stand News (英文). 原著喺2021-01-20歸檔. 喺2020-12-21搵到.
  4. 4.0 4.1 政指向地區發 1,700 萬口罩 多區區議會稱從未收到 黃偉賢:政府事事政治化 | 立場報道 | 立場新聞. 場新聞 Stand News (英文). 原著喺2020-12-19歸檔. 喺2020-12-21搵到.
  5. 翟睿敏 (2020-12-19). 政署稱無意圖打壓 民主派區議員斥聲明嚴重失實、署方阻撓抗疫. 港01 (香港中文). 喺2020-12-21搵到.