香港移民潮
香港移民潮，指香港人喺第二次世界大戰之後、1967年六七暴動後同埋1980年代中後期至1990年代初（由中英談判、八九民運到九七回歸之前）、2010年代移民外國嘅事，當中嘅1980年代中後期至1990年代初，係移民潮嘅高峰期。
二戰之後 編輯
第二次世界大戰之後，新界傳統農村受到城市化嘅影響，新界原居民為咗搵食，去英國，落地英國，成為英國國民。
六七暴動後 編輯
1967年，香港發生六七暴動，社會立立亂，一啲香港居民對香港憂慮前景嘅人，移居外地。何紫嘅兒童文學作品《40兒童小說集》，講咗香港細路因為家人移居外國而要同同學仔分開嘅古仔。
中英談判（移民潮1.0） 編輯
由1980年代開始，中英就香港前途問題談判，中國要收返香港，擔心共產黨統治。1984年12月19號，中華人民共和國與大英帝國簽署《中英聯合聲明》，確立1997年香港主權移交中國。唔少香港人開始有移民嘅打算。
八九民運（移民潮2.0） 編輯
1989年，六四事件嚇驚唔少香港人，移民潮再現。紐西蘭、加拿大、澳洲同美國係當時熱門之選。當時，唔少香港人移咗去加拿大溫哥華。其他熱門城市有多倫多、澳洲雪梨及墨爾本、紐西蘭奧克蘭及威靈頓、美國紐約市、三藩市、洛杉磯及芝加哥噉。當時嘅流行曲亦有講情人因為同家人移民做背景。
攞到外國護照嘅香港人回流香港。
九七之後（移民潮3.0） 編輯
香港喺2010年代面臨社會同政治環境嘅問題，包括中港矛盾、買樓艱難、政治環境（九二八佔中、香港本土派冒起）。2013年，香港保安局話同年頭半年有3,900個香港人移居海外，比起2012年同期升8%。《華爾街日報》中文版喺同年8月21號引述該項數字報道，指出香港回歸逾15年後，香港人移民數字再升。有啲移民顧問話，近幾個月想移民嘅香港人愈來愈多，報道引述澳加移民顧問公司（Auscan Visa Migration）代表指出，2012年想移民嘅香港客人數量增加一倍。加拿大雷立得移民事務所（Rothe International Canada）代表話，香港樓價係促使中產階層移民嘅因素。