鬼滅之刃
日本漫畫作品系列
《鬼滅之刃》（日文：
故事背景係大正時代嘅日本，講男主角炭治郎落山賣炭嗰陣，成家畀鬼殺死咗，而嗰陣淨係留低佢個妹仲未死，但係佢已經變做咗鬼，而佢要去搵辦法將禰豆子變返做人。
當炭治郎孭住禰豆子落山嗰陣，禰豆子突然之間鬼性情大發，當炭治郎撐住禰豆子嗰陣時，俾鬼殺隊嘅富罔義勇見到，當佢就嚟殺禰豆子嗰陣，炭治郎係咁保護住禰豆子，重將佢打暈。而當禰豆子掙脫咗佢，發生咗令人諗唔到嘅事，禰豆子居然用肉體擋住咗炭治郎。可能因為義勇俾佢哋兩個嘅兄妹情感動，佢就打算放過佢哋。當炭治郎醒咗嗰陣，義勇就講出佢師傅個名，叫炭治郎去搵佢。
炭治郎搞完佢屋企人喪事之後，就帶住緊張同埋不安去搵義勇口中嗰個師傅，連龍左近次。
因為炭治郎想將禰豆子變返人，所以就打算加入鬼殺隊。而喺去修行嘅路程當中，有唔少人都有幫佢。直到最後試煉當中，係叫佢要將舊石頭斬咗一半。而當炭治郎做唔到嗰陣，一個少年就同佢日日夜夜咁樣試煉同埋打鬥，務求好好將炭治郎修行到完美為止（少年同個少女喺後來嘅劇情透出係義勇嘅兒時朋友）。而之後嘅劇情就係描述炭治郎加入咗鬼殺隊之後，認識嘅人，發生嘅事同埋有血有淚嘅故事。
電視動畫 編輯
- 竈門炭治郎 立志篇，2019年4月至9月響日本首播，共26集。
- 無限列車篇，2021年10月至11月響日本首播，共7集，主要由劇場版無限列車篇剪接而成，同加咗一啲新嘢。
- 遊郭篇，2021年12月至2022年2月首播，共11集。
- 刀匠村篇，2023年4月至6月首播，共11集。
- 柱訓練篇，預計喺2024年播。
另外有短篇《國高中一貫!! 鬼滅學園物語》。
劇場版 編輯
- 鬼滅之刃劇場版 無限列車篇，2020年10月響日本上畫。
- 鬼滅之刃 上弦集結，前進刀匠村，2023年2月響日本上畫，係將電視動畫版遊郭篇第10、11集同刀匠村篇第1集加埋一齊嘅特別上映版。
- 「鬼滅之刃」 絆之奇蹟，邁向柱訓練，2024年2月上畫，係電視動畫版刀匠村篇第11集同柱訓練篇第1集加埋一齊嘅特別上映版。