鳩嗚粵拼gau1 wu1)字面意思係解「亂咁嗌」,2014年開始喺香港用來做普通話詞「購物」(gòuwù)嘅粵語音譯,有嘲諷意味。

典故

2014年8月17號,香港保普選反佔中大聯盟8.17反佔中大遊行,有記者訪問參加者遊行目的,參加者用普通話答「購物」,訪問片喺網上廣泛流傳,啲網民將佢寫成「鳩嗚」嘲諷。

發展

2014年9月底爆發雨遮革命,民眾佔領香港幾個地方嘅馬路,到11月底警方到旺角清場,特首梁振英跟住呼籲市民到旺角消費支持商舖,佔領民眾就諗到用「鳩嗚」名義逗留喺旺角嘅行人路週圍行,變相繼續佔領。